Дастаҳои футболи «Исфара», «Парвоз» ва «Шодмон» ба Лигаи якуми Тоҷикистон роҳ ёфтанд
ДУШАНБЕ, 25.11.2022 /АМИТ «Ховар»/. 24 ноябр дар Варзишгоҳи марказии шаҳри Ҳисор қисми ниҳоии Чемпионати Тоҷикистон оид ба футбол миёни дастаҳои Лигаи дуюм, ки дар он дастаҳо барои се роҳхати Лигаи якум мубориза мебурданд, ба анҷом расид, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Дар марҳилаи ниҳоии Чемпионати Тоҷикистон миёни дастаҳои Лигаи дуюм 6 даста – ғолибон ва беҳтарин дастаҳои марҳилаи минтақавӣ аз шаҳрҳои Душанбе, вилоятҳои Суғд ва Хатлон ширкат карданд. Инҳо дастаҳои футболи «Локомотив»-и шаҳри Душанбе, «Шодмон»-и шаҳри Ҳисор, «Парвоз»-и Фурудгоҳи байналмилалии шаҳри Хуҷанд, «Исфара»-и шаҳри Исфара, «Шоҳин»-и ноҳияи Муъминобод ва «Нури-Деҳот»-и ноҳияи Панҷ мебошанд.
Дар натиҷаи қуръакашӣ дастаҳо ба ду гурӯҳ тақсим шуданд. Ғолибони гурӯҳ дар даври ниҳоӣ бо ҳам рақобат карданд. Дастаҳое, ки зинаи дуюмро касб карданд, барои медалҳои биринҷӣ миёни ҳам рақобат карданд. Дар вохӯрӣ барои ҷойи сеюм дастаи футболи «Шодмон»-и шаҳри Ҳисор бар дастаи «Локомотив»-и шаҳри Душанбе бо ҳисоби 4:1 пирӯз шуд. Дар қувваозмоии ниҳоӣ дастаи «Исфара» бар «Парвоз» бо ҳисоби 2:0 ғалаба карда, ғолиби мусобиқа гардид.
Ҳамин тариқ, аз рӯйи натиҷаи қисмати ниҳоии Лигаи дуюми Тоҷикистон дастаҳои футболи «Исфара»-и шаҳри Исфара, «Парвоз»-и Фурудгоҳи байналмилалии шаҳри Хуҷанд ва «Шодмон»-и шаҳри Ҳисор роҳхатҳои Лигаи якуми футболи Тоҷикистонро дар мавсими 2023 ба даст оварданд.
Дар маросими ҷамъбасти мусобиқа ноиби президенти Федератсияи футболи Тоҷикистон Алишер Урунов, директори генералии Лигаи футболи кишвар Сайвалӣ Шоқурбонов ва Раиси шаҳри Ҳисор Қосим Роҳбар иштирок намуда, ғолибону ҷоизадоронро қадрдонӣ намуданд. Нимҳимоятгари дастаи футболи «Исфара»-и шаҳри Хуҷанд Хоҷӣ Абдуманнон беҳтарин бозигари мусобиқа дониста шуд.
Қисмати ниҳоии Чемпионати Тоҷикистон миёни дастаҳои Лигаи дуюм
Бозӣ барои ҷойи сеюм
«Локомотив» (Душанбе) – «Шодмон» (Ҳисор) – 1:4
Финал
«Парвоз» (Фурудгоҳи байналмилалии Хуҷанд) – «Исфара» (Исфара) – 0:2
Акс: ФФТ
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
