ДЗЮДО. Пагоҳ дар Озарбойҷон Мусобиқаи байналмилалии «Baku Grand Slam 2022» оғоз мешавад
ДУШАНБЕ, 03.11.2022 /АМИТ «Ховар»/. Пагоҳ дар шаҳри Бокуи Озарбойҷон Мусобиқаи байналмилалии «Baku Grand Slam 2022» оид ба гӯштини дзюдо оғоз шуда, то 6 ноябр идома меёбад. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи дзюдои Тоҷикистон хабар медиҳад.
Дар Мусобиқаи байналмилалии «Baku Grand Slam 2022» ширкати 391 варзишгар (227 мард ва 164 зан) аз 63 кишвари сайёра дар назар аст. Мусобиқа аз рӯи 14 дараҷаи вазнӣ (7 вазн миёни мардон ва 7 вазн миёни занон) доир мегардад.
Ҷумҳурии Тоҷикистонро дар ин мусобиқаи сатҳи баланд 12 паҳлавони шинохта, аз қабили Муслимбек Каримов бо Муҳаммад Маҳмадизода дар вазни то 60 кг, Каюмарс Норов бо Муллораҷаб Халифаев дар вазни то 66 кг, Беҳрӯз Хоҷазода бо Абубакр Шеров дар вазни то 73 кг, Сомон Маҳмадбеков дар вазни то 81 кг, Комроншоҳи Устопириён бо Ҷаҳонгир Маҷидов дар вазни то 90 кг, Эмомризо Анварзода бо Раҳматулло Мирзоев дар вазни то 100 кг ва ниҳоят паҳлавони маъруфи меҳан Темур Раҳимов дар вазни +100 кг дар рақобатҳо миёни мардон муаррифӣ хоҳанд кард.
Барномаи мусобиқа:
4 ноябр (ҷумъа). Рақобатҳо дар вазнҳои -48 кг, -52 кг, -57 кг миёни бонувон; -60 кг, -66 кг миёни мардон.
5 ноябр (шанбе). Рақобатҳо дар вазнҳои -63 кг, -70 кг миёни бонувон; -73 кг, -81 кг миёни мардон.
6 ноябр (якшанбе). Рақобатҳо дар вазнҳои -78 кг, +78 кг миёни бонувон; -90 кг, -100 кг, +100 кг миёни мардон.
Мавриди зикр аст, ки маблағи умумии Мусобиқаи байналмилалии «Baku Grand Slam 2022» оид ба гӯштини дзюдо 154 ҳазор евроро ташкил медиҳад. Ба ғолиб дар ҳар вазн 5 ҳазор евро, барои ҷойи дуюм 3 ҳазор евро ва барои ҷойҳои сеюм 1500-евроӣ тақдим мегардад.
Ҳамчунин варзишгароне, ки дар мусобиқаи мазкур зинаҳои фахриро касб мекунанд, соҳиби имтиёзҳои олимпӣ мегарданд. Варзишгароне, ки медали тилло мегиранд, 1000 имтиёз, медали нуқра — 700 имтиёз ва медали биринҷӣ 500 имтиёз ба даст меоранд. Инчунин онҳое, ки ҷойҳои 5-ум ва 7-умро касб мекунанд, мутаносибан соҳиби 360 ва 260-имтиёзӣ мегарданд.
Ёдовар мешавем, ки дар Мусобиқаи «Abu Dhabi Grand Slam 2022» оид ба гӯштини дзюдо дар АМА, ки аз 21 то 23 октябр бо иштироки 414 варзишгар (239 мард, 175 зан) аз 65 кишвари ҷаҳон баргузор гардид, Тоҷикистонро 10 нафар варзишгарон намояндагӣ карданд. Танҳо ба паҳлавони шинохтаи тоҷик Темур Раҳимов муяссар шуд, ки соҳиби медали биринҷии ин мусобиқа шавад.
АКС аз манбаъҳои боз
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
