ФУТБОЛ. Дастаи ММВЗО «Солор» барандаи медали тиллои чемпионати Тоҷикистон (U-13) гардид
ДУШАНБЕ, 06.11.2022 /АМИТ «Ховар»/. Дар шаҳри Душанбе қисми ниҳоии чемпионати Тоҷикистон байни наврасони то 13-сола оид ба футбол ба поён расид. Медалҳои тиллоро дастаи ММВЗО «Солор» соҳиб шуд. Дар ин бора ба АМИТ «Ховар» дар Федератсияи футболи Тоҷикистон хабар доданд.
Дар қисми ниҳоии чемпионати Тоҷикистон миёни наврасони то 13-сола 10 даста, ки дар марҳилаи муқаддамотӣ ба ду гурӯҳ тақсим шуда буданд, ширкат карданд.
Дар гурӯҳи «А» дастаҳои ММВЗО «Солор» (Душанбе), «Суғд-2» (вилояти Суғд), Мактаби варзишии кӯдакону наврасон (Панҷ), «ФК Сити» (Душанбе) ва «Ваҳдат» бозӣ карданд.
Дар гурӯҳи «Б» бошгоҳҳои «Помир» (Хорӯғ), МД МВ (Кӯлоб), «Суғд-1» (вилояти Суғд), Мактаби варзишии кӯдакону наврасон (Ҷалолиддини Балхӣ) ва ММВЗО (Душанбе) бо ҳам мубориза бурданд.
Бозиҳо дар зергурӯҳҳо аз рӯйи системаи гурӯҳӣ дар як давр гузаштанд. Ду дастаи беҳтарин аз ҳар гурӯҳ ба даври 1/2 ниҳоӣ баромаданд ва муборизаро барои медалҳо идома доданд.
Дар бозӣ барои ҷойи сеюм дастаҳои «Суғд-1» ва «ФК Сити» вохӯрданд. Вақти асосии бозӣ бо ҳисоби 1:1 анҷом ёфт. Дар зарбаҳои пеналтӣ бахт ба сӯи наврасони вилояти Суғд хандид – 7:6.
Дар қувваозмоии финалӣ бачаҳои ММВЗО «Солор» бар ҳамсолони худ аз Мактаби варзишии кӯдакону наврасони ноҳияи Ҷалолиддини Балхӣ бо ҳисоби 3:0 ғалаба карданд.
Дар маросими ҷамъбастии мусобиқа директори техникии Федератсияи футболи Тоҷикистон Салоҳиддин Ғафуров, директори Лигаи футболи кӯдакону наврасони Тоҷикистон Увайдо Давлатбеков, сармураббии дастаи «Истиқлол» Алишер Тухтаев, мураббии «Файзканд» Алӣ Назарзода ва меҳмонони дигар ширкат доштанд.
Дар мусобиқот Мансур Ҳотамов («Суғд-1»), Билол Киревв («ФК Сити»), Абдураҳмони Абубакр (ММВЗО «Солор») ва Умедҷон Муборов (МВКН-и Ҷалолиддини Балхӣ) беҳтарин бозигарони чемпионат дар ҳайати дастаҳои худ эълон шуданд. Ҷоизаи нишонзани беҳтарин насиби Мухаммад Қаҳҳоров (ММВЗО «Солор»), ки 9 гол задааст. Беҳтарини бозигари мусобиқа Шаҳром Назиров аз МВКН-и Ҷалолиддини Балхӣ эътироф шуд.
Акс: ФФТ
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
