ФУТБОЛ. Ғолибони бозиҳои даври 19-уми Чемпионати Тоҷикистон миёни дастаҳои Лигаи олӣ муайян шуданд
ДУШАНБЕ, 03.11.2022 /АМИТ «Ховар»/. Бозиҳои даври 19-уми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат дар сатҳи баланд баргузор шуданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Тавре қаблан хабар додем, марҳилаи сеюми Чемпионати Тоҷикистон имсол дар шакли нав баргузор мешавад. Дастаҳое, ки дар қисми аввал ҷойҳои 1-5-умро гирифтанд, дар гурӯҳи «А» барои ҷоизаҳо ва дастаҳое, ки ҷойҳои 6-10-умро касб карданд, дар гурӯҳи «В» барои нигоҳ доштани мавқеашон дар Лигаи олӣ талош мекунанд.
Дар даври 19-ум дар гурӯҳи «А» ду бозӣ баргузор шуд. Дастаи футболи «Хатлон»-и шаҳри Бохтар бар дастаи КМВА-и шаҳри Душанбе бо ҳисоби 4:3 ғалаба кард. Голҳои дастаи «Хатлон»-и шаҳри Бохтарро Тоҳирҷон Тағойзода (2 гол), Нуриддин Ҳамроқулов, Рустамҷон Кучкаров, голҳои дастаи КМВА-и шаҳри Душанберо Хуршед-Тимур Ҷураев, Аласса Монгбет ва Комрон Иброҳимов ба нишон расониданд.
Бозии дигари гурӯҳ миёни дастаҳои футболи «Равшан»-и шаҳри Кӯлоб бо «Хуҷанд»-и шаҳри Хуҷанд бо ҳисоби мусовии 3:3 анҷом ёфт. Ҷаҳонгир Эргашев аз дастаи «Хуҷанд» ва Абдухалил Боронов аз дастаи футболи «Равшан»-и шаҳри Кӯлоб дуголӣ ба ҳадаф расониданд. Якголии дигарро дар ҳайати дастаи «Хуҷанд» Хушнудбек Бозоров ва дар ҳайати дастаи «Равшан» Шодиҷон Муродов ба нишон расониданд.
Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ
| Б | Ғ | М | Б | Т-Т | Х | ||
| 1 | «Истиқлол» (Душанбе) | 18 | 11 | 6 | 1 | 38-11 | 39 |
| 2 | «Хатлон» (Бохтар) | 19 | 8 | 7 | 4 | 20-14 | 31 |
| 3 | «Равшан» (Кулоб) | 19 | 7 | 8 | 4 | 23-20 | 29 |
| 4 | «Хуҷанд» (Хуҷанд) | 19 | 7 | 7 | 5 | 24-16 | 28 |
| 5 | КМВА (Душанбе) | 19 | 7 | 4 | 8 | 25-28 | 25 |
| Б | Ғ | М | Б | Т-Т | Х | ||
| 6 | «Истаравшан» (Истаравшан) | 18 | 6 | 4 | 8 | 23-19 | 22 |
| 7 | «Файзканд» (Восеъ) | 19 | 6 | 4 | 9 | 18-30 | 22 |
| 8 | «Эсхата» (Хуҷанд) | 19 | 5 | 6 | 8 | 23-30 | 21 |
| 9 | «Равшан» (Зафарабад) | 19 | 4 | 8 | 7 | 20-35 | 20 |
| 10 | «Регар-ТадАЗ» (Турсунзода) | 19 | 4 | 4 | 11 | 14-25 | 16 |
Рӯйхати беҳтарин нишонзанҳо:
Манучеҳр Ҷалилов («Истиқлол») – 12 гол, Шервонӣ Мабатшоев («Истиқлол»), Дилшод Бозоров («Эсхата») – бо 10-голӣ, Ҷаҳонгир Эргашев («Хуҷанд») – 9 гол, Абдухалил Боронов («Равшан»-и Кӯлоб) – 8 гол, Фатҳулло Фатҳуллоев («Регар-ТадАЗ»), Бахтиёр Зарипов («Равшан» Зафаробад) – 7 голӣ ба нишон расониданд.
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
