ГРАН-ПРИИ ДУШАНБЕ. Федератсияи дзюдои Тоҷикистон расман созишнома ба имзо расонид

Ноябрь 23, 2022 09:16

ДУШАНБЕ, 23.11.2022 /АМИТ «Ховар»/. Чанде пеш дар шаҳри Абузабӣ президенти Федератсияи байналмилалии дзюдо Мариус Визер бо раиси вақти Федератсияи дзюдои Тоҷикистон Нурулло Лоиқов созишнома оид ба баргузории Гран-при оид дзюдо барои солҳои 2023-26 ба имзо расониданд, хабар доданд имрӯз ба АМИТ «Ховар» дар Кумитаи миллии олимпии Тоҷикистон.

Сомонаи расмии Федератсияи байналмилалии дзюдо дар ин бора хабар дода, навиштааст, ки ташкили чунин мусобиқаи байналмилалӣ уҳдадорӣ ва ҷиддият талаб мекунад ва Тоҷикистон инро нишон додан мехоҳад.

Мариус Визер гуфтааст: «Ин чорабинӣ имконияти бебаҳо барои таблиғи кишвар ва минтақае хоҳад буд, ки дзюдоро дӯст медорад ва варзишгарони сатҳи баландро қадр мекунад. Ба ин маъно, Гран-при як имкони муҳими бехатар барои шинохтани худ аст».

Нурулло Лоиқов ин ҳодисаро вижа хонд, зеро «мо ин лаҳзаро солҳо боз интизор будем. Дюздо варзиши рақами як дар кишвари мост ва мо мехоҳем беҳтарин ситораҳоро ба он ҷо биёрем. Мо як варзиши аҷдодӣ дорем бо номи гӯштингирӣ, ки ба дзюдо шабоҳати зиёд дорад. Мо мардуми варзишдӯстем ва дзюдо ҳаваси мост”.

Нурулло Лоиқов аз фурсат истифода бурда, барои дастгирии беандоза ба Раиси шаҳри Душанбе Рустами Эмомалӣ изҳори сипос намуд: «Бе дастгирии он кас мо имрӯз дар ин ҷо намебудем. Сармоягузорӣ муҳим аст ва аксари хароҷотро мақомоти иҷроияи ҳокимияти давлатии шаҳри Душанбе бар дӯш мегирад”.

Дар мавриди пуштибонӣ ҳарф зада, вақти он расидааст, ки аз Исмоили Маҳмадзоир, шахсе, ки ватанашро дӯст медорад ва дар рушди варзиш саҳм дорад ва 19 ноябр ба вазифаи президенти нави Федератсияи дзюдои Тоҷикистон интихоб шуд, ёдовар шавем.


Дар тӯли чанд соли охир Исмоили Маҳмадзоир роҳи беҳтарини худро нишон дода, варзишгарони тоҷикро дастгирӣ ва сарпарастӣ намуда, инфрасохтори варзиширо рушд дод ва ба яке аз чеҳраҳои маъруфи ин соҳа дар Тоҷикистон табдил ёфт. Ӯ на танҳо сарпарасти чорабиниҳост, балки ба бунёди иншооти варзишӣ дар кишвар мусоидат мекунад. Клуби муосири дзюдои Ҳоҷӣ Шариф намунаи бузурги ин аст. Дзюдочиён аз тамоми гӯшаву канори Тоҷикистон барои тамрин ба ин маҳфил меоянд ва волидон бо хушнудӣ фарзандони худро меоранд, зеро он иншооти баландсифат ва муҷаҳҳаз дар шаҳри Душанбе мебошад. Варзишгарони клуб аллакай натиҷаҳои хуб ба даст оварда, дар ҳар мусобиқа соҳиби медал мешаванд.

Замони баргузории Гран прии Душанбе ҳанӯз маълум нест. Тоҷикистон моҳи октябрро пешниҳод кардааст, аммо Федератсияи байналмилалии дзюдо ҳоло онро тасдиқ накардааст. Он чизе ки мо медонем, ин аст, ки нашри аввали Гран прии Душанбе соли 2023 ва ҳамин тавр то соли 2026 баргузор хоҳад шуд.

АКС: КМО Тоҷикистон

Ноябрь 23, 2022 09:16

Хабарҳои дигари ин бахш

Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд