«ХИЗМАТ ДАР САФИ ҚУВВАҲОИ МУСАЛЛАҲ ВАЗИФАИ ШАҲРВАНДИИ ҲАР ЯКИ МОСТ». Дар Донишкадаи ҳарбӣ таҳти ин унвон Рӯзи дарҳои кушод гузаронида шуд
ДУШАНБЕ, 22.11.2022. /АМИТ «Ховар»/. Дар доираи ҳамкории пайвастаи Вазорати мудофиаи мамлакат ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷиҳати татбиқи босамари сиёсати давлатии ҷавонон ҳафтаи сипаригардида бо ташаббуси филиали Иттифоқи ҷавонони Тоҷикистон дар шаҳри Душанбе дар Донишкадаи ҳарбии Вазорати мудофиа Рӯзи дарҳои кушод доир гардид. Дар ин бора ба АМИТ «Ховар» дар Вазорати мудофиа хабар доданд.
Дар доираи барномаи тарғиботӣ, ки таҳти унвони «Хизмат дар сафи Қувваҳои Мусаллаҳи Ҷумҳурии Тоҷикистон вазифаи шаҳрвандии ҳар яки мост» ташкилу роҳандозӣ гардид, намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон, шуъбаи маорифи ноҳияи Сино ва толибилмони якчанд муассисаҳои таҳсилоти миёнаи умумии ҳудуди ин ноҳияи пойтахт аз шароити буду боши ҳайати афсарон ва устодону курсантони донишкадаи мазкур дидан намуданд.
Хонандагон бо имконияти васеи таълиму тадрис ва раванди машғулияти таълимӣ дар Донишкадаи ҳарбӣ, ҳамчунин шароити зарурии фароҳам дар ин боргоҳи илми низомӣ шинос гардиданд. Ҳамзамон бо курсантоне, ки дар курсҳои гуногуни Донишкадаи ҳарбӣ таҳсил доранд ва илми низомӣ меомӯзанд, суҳбату вохӯриҳо анҷом дода шуданд.
Ҳадаф аз баргузории ин ҳамоишро, ки ба рӯзҳои даъвати ҷавонон ба хизмат дар сафи Қувваҳои Мусаллаҳ рост омадааст, масъулин бедор намудани ҳисси ватанпарастию худшиносии насли наврасу ҷавони кишвар ва дар рӯҳияи баланди садоқат ба халқу Ватан тарбия намудани ин қишри некбину ташаббускори ҷомеа арзёбӣ карданд.
АКС: Вазорати мудофиаи ҶТ
НИШАСТИ МАТБУОТӢ. Дар Тоҷикистон шумораи ҷиноятҳои умумӣ бештар ба қайд гирифта шудааст
Дар Душанбе беш аз 90 ҳолати ба фолбинӣ машғул шудани шаҳрвандон ошкор гардид
Ҷаласаи Шурои ҳамоҳангсозӣ оид ба пешгирии суиистеъмоли маводи нашъадор баргузор гардид
ТАҲДИДҲОИ МУОСИРИ КИБЕРӢ ВА РОҲҲОИ МУҚОВИМАТ БА ОНҲО. Мулоҳизаҳо дар ин маврид
Дар маҷлиси ҳайати мушовараи Прокуратураи генералӣ татбиқи дурусти Қонуни Ҷумҳурии Тоҷикистон «Дар бораи авф» баррасӣ шуд
Прокурори шаҳри Ҳисор: «Сулҳ масъулият аст ва ташаббуси навбатии байналмилалии Тоҷикистон ҷомеаи ҷаҳониро ба андеша водор месозад»
Дар беш аз 150 аттраксиони боғҳои фарҳангӣ–фароғатии Тоҷикистон камбудиҳои техникӣ ошкор карда шуд
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
