«ИЛМ-ФУРӮҒИ МАЪРИФАТ». Имрӯз дар Душанбе маросими ҷоизасупории озмуни ҷумҳуриявӣ доир мегардад

Ноябрь 25, 2022 08:52

ДУШАНБЕ, 25.11.2022. /АМИТ «Ховар»/. Имрӯз дар шаҳри Душанбе маросими ҷоизасупории Озмуни ҷумҳуриявии «Илм–фурӯғи маърифат» доир мегардад. Тибқи талаботи Низомномаи озмун, дар даври ҷумҳуриявӣ ғолибони даври сеюми озмун аз  шаҳри Душанбе, Вилояти Мухтори Кӯҳистони Бадахшон, вилоятҳои Суғду Хатлон, шаҳри Ҳисор ва ноҳияи Рашт бо теъдоди то 5-нафарӣ иштирок менамоянд. Дар ин бора ба АМИТ «Ховар» дар Академияи миллии илмҳои Ҷумҳурии Тоҷикистон хабар доданд.

Дар 7 номинаи даври ҷумҳуриявии озмун то 30-нафарӣ хонандагони муассисаҳои таҳсилоти миёнаи умумӣ (ва литсею гимназияҳо), то 30- нафарӣ донишҷӯёни муассисаҳои таҳсилоти олии касбӣ ва дар номинаи «Ихтироъкорӣ ва навоварӣ» то 30 нафар намояндагони соҳаи илму маориф, омӯзгорону муҳандисон иштирок намуданд.

Озмуни «Илм – фурӯғи маърифат» бо ташаббуси бевоситаи Сарвари давлат соли дуюм аст, ки дар самти илмҳои табиатшиносӣ, дақиқ ва риёзӣ баргузор мешавад.

Дарр он хонандагону донишҷӯён ва ихтироъкорон сатҳи донишу малакаи худро вобаста ба ин самтҳо дар шакли ҳалли мисолу масъалаҳо, баёну баррасӣ ва асосноккунии шифоҳии қонунияти физикӣ, теоремаву аксиомаҳо, исботи онҳо, гузаронидани озмоишҳои амалӣ ва коркардҳои инноватсионию ихтирооти хеш нишон медиҳанд.

Дар замони муосир, ки бо рушди бесобиқаи техника ва технологияҳои баланд ва мавқею нақши марказии иқтидори илмӣ фарқ мекунад, донишҳои техникӣ ва риёзию табиатшиносӣ мавқеи калидӣ доранд. Аз ин лиҳоз озмуни мазкур на танҳо барои муайян намудани беҳтарин донишмандони ҷавони ин соҳаҳо, балки барои замина гузоштан ба рушди равандҳои омоданамоии кадрҳои баландихтисос баҳри боз ҳам пурқувват намудани сафи намояндагони ҷомеаи илмии кишвар аҳамияти муҳим дорад.

Тибқи банди 43 Низомномаи озмун иштирокчиёни фаъол, ки соҳиби ҷойҳои 4, 5, 6 гардиданд, бо нишони «Илм ва инноватсия» ва «Ифтихорнома»-и Академияи миллии илмҳо сарфароз гардонида мешаванд. Падару модароне, ки фарзандони онҳо дар даври чорум ҷойҳои якум, дуюм ва сеюмро ба даст меоранд, соҳиби нишони «Маърифатпарвар» ва «Ифтихорнома»-и Академияи миллии илмҳои Тоҷикистон мегарданд.

Ҳамчунин яке аз фарқияти озмуни соли равон аз соли якум дар он аст, ки дар Низомномаи озмуни имсола имтиёзҳои иловагӣ пешбинӣ шудаанд. Аз ҷумла, тибқи банди 47 Низомномаи озмун иштирокчиёни даври чорум, новобаста аз он ки ғолиб омаданд ё танҳо фаъол буданд, метавонанд ба ихтисосҳои фанҳои дақиқу табиатшиносӣ ва техникӣ ба муассисаҳои таҳсилоти миёна ва олии касбӣ ва баъд аз муассисаи таҳсилоти олии касбии кишвар бе озмун ба тариқи ройгон қабул гарданд.

Ин иқдоми неку созанда бори дигар ғамхорӣ ва муносибати бунёдии Ҳукумати кишвар ва Сарвари давлатро нисбат ба кормандони илму маориф, махсусан ҷавонони соҳибилм ва дар умум тамоми миллати илмофари тоҷик собит менамояд.

АКС: АМИТ «Ховар»

Ноябрь 25, 2022 08:52

Хабарҳои дигари ин бахш

Раҳим Саидзода узви алтернативии Шӯрои директорони шарики глобалӣ дар соҳаи маориф аз ҳавзаи Аврупои Шарқӣ, Шарқи наздик ва Осиёи марказӣ интихоб гардид
МАОРИФ-СОҲАИ АФЗАЛИЯТНОК. Дар деҳаи Деҳқонободи шаҳри Турсунзода масъалаи набудани мактаб ҳал гардид
БИСТСОЛАИ ОМӮЗИШ ВА РУШДИ ИЛМҲОИ ДАҚИҚ ВА РИЁЗӢ. Дар Коллеҷи тиббӣ-инноватсионии шаҳри Бохтар озмуни малакаи зеҳнӣ аз фанни биология гузаронида шуд
Аз номи Раиси шаҳри Душанбе Рустами Эмомалӣ ба Донишгоҳи давлатии Хоруғ автобус тақдим гардид
Дар Донишгоҳи давлатии Данғара оид ба таҳияи рисолаҳои номзадӣ ва докторӣ машварати корӣ доир шуд
МУАЙЯННАМОИИ СОХТОРИ АМИҚИ ЗАМИН ДАР ЗЕРИ ТОҶИКИСТОН. Барои омӯзиши ксенолитҳо* дар Тоҷикистони Шарқӣ экспедитсия анҷом дода шуд
Раиси вилояти Суғд аз мактаби ба номи А. П. Чехов ва Мактаби президентӣ боздид намуд
БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Дар Донишгоҳи давлати Хоруғ озмоишгоҳҳои замонавӣ фаъолият менамоянд
ПАРЧАМИ ДАВЛАТИИ ТОҶИКИСТОН. Ин рамзи асосӣ ва муқаддаси давлати мо низ сисола шуд
Дар Душанбе ба шарафи Рӯзи Парчами давлатӣ конференсияи илмӣ-назариявӣ баргузор гардид
ДАСТГИРИИ ДАВЛАТ. 13 нафар омӯзгорони ноҳияи Кӯшониён бо замини наздиҳавлигӣ таъмин гардиданд
«САРМОЯГУЗОРИИ ИБТИДОӢ БА ХОТИРИ ОЯНДАИ ДУРАХШОН». Вазири маориф ва илми Тоҷикистон дар Конференсияи ҷаҳонии ЮНЕСКО ширкат варзид