Мақомоти Ваколатдор оид ба ҳуқуқи инсон бахшида ба Рӯзи Президент ва 30-солагии Иҷлосияи XVI Шӯрои Олӣ ҳамоиш доир намуд
ДУШАНБЕ, 10.11.2022. /АМИТ «Ховар»/. 9 ноябр дар Китобхонаи миллии Тоҷикистон бо иқдоми Ваколатдор оид ба ҳуқуқи инсон дар Ҷумҳурии Тоҷикистон ба муносибати Рӯзи Президенти Ҷумҳурии Тоҷикистон ва 30-солагии Иҷлосияи 16-уми Шӯрои Олии Ҷумҳурии Тоҷикистон ҳамоиш баргузор гардид. Дар ин бора мухбири АМИТ «Ховар» иттилоъ медиҳад.
Дар ҳамоиш роҳбарият ва кормандони мақомот, намояндагони Шӯрои ҷавонони назди Ваколатдор оид ба ҳуқуқи инсон, инчунин кормандони шуъбаҳои Китобхонаи миллии Тоҷикистон иштирок намуданд.
Ваколатдор оид ба ҳуқуқи инсон дар Чумҳурии Тоҷикистон Умед Бобозода ҳамоишро оғоз намуда, доир ба дастовардҳои бузурги даврони соҳибистиқлолӣ сухан гуфт.
Олими таърихшинос, доктори илми таърих, профессори Донишгоҳи миллии Тоҷикистон Зикриё Акрамӣ дар мавзӯи «Иҷлосияи ХVI Шӯрои Олии Ҷумҳурии Тоҷикистон: мантиқи таърих» маърӯза намуда, оид ба нақши ин иҷлосияи сарнивиштсоз дар таърихи навини тоҷикон ибрози ақида намуд.
Дар ҳамоиш инчунин сардори шуъбаи ташкилӣ, таҳлилӣ ва иттилоотии Дастгоҳи Ваколатдор оид ба ҳуқуқи инсон Аҳад Содиқов оид ба аҳамияти таърихии Иҷлосияи ХVI Шӯрои Олии Ҷумҳурии Тоҷикистон ва нақши беназири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи наҷоти давлату миллати тоҷикон аз парешонӣ бо таҳлили амиқи муқоисавӣ сухан гуфт.
Зикр шуд, ки дастгирии ҳамаҷонибаи сиёсати созанда ва ободкоронаи Сарвари давлати тоҷикон вазифаи ҳар фарзанди баору номуси ватан мебошад ва мо бояд дар пайравӣ ба хизматҳои беназири Пешвои миллат ҷиҳати ободу зебо ва пешрафта намудани ватани азизамон саъю талош намоем.
АКС аз АМИТ «Ховар»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
