МУСОБИҚАҲОИ ВАРЗИШИИ ЗЕҲНӢ. Вазоратҳои нақлиёт ва мудофиа сазовори ҷойи якум гардиданд
ДУШАНБЕ, 17.11.2022 /АМИТ «Ховар»/. Аз моҳи июл то 17 ноябр миёни дастаҳои вазорату идора ва ташкилоту муассисаҳои ҷумҳуриявию шаҳрӣ мусобиқаҳои варзишиии зеҳнӣ оид ба шашкаву шоҳмот ва тенниси рӯи миз баргузор гардиданд. Дар он аз рӯи намудҳои шашкаву шоҳмот ҷойи якум ба дастаи Вазорати нақлиёти Ҷумҳурии Тоҷикистон, мақоми дуюм ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва зинаи сеюм ба Вазорати мудофиаи Ҷумҳурии Тоҷикистон сазовор дониста шуд. Дар ин бора ба АМИТ «Ховар» муовини сардори Раёсати тарбияи ҷисмонӣ ва инкишофи варзиши дастгоҳи марказии Кумитаи кор бо ҷавонон ва варзиш Муҳаммадтолиб Шокирзода хабар дод.
Инчунин дар мусобиқаи варзишӣ оид ба тенниси рӯи миз аз рӯи баҳои доварон муайян гардид, ки ҷойи якумро дастаи Вазорати мудофиаи Ҷумҳурии Тоҷикистон, мақоми дуюмро Вазорати молияи Ҷумҳурии Тоҷикистон ва зинаи сеюмро Кумитаи кор бо ҷавонон ва варзиши назди Ҳукумати Ҷумҳурии Тоҷикистон соҳиб гаштанд.
Ба ғолибону ҷоизадорони мусобиқаҳои варзишӣ оид ба тенниси рӯи миз ва шашкаву шоҳмот аз ҷониби муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Парвиз Собирзода ҷом, диплом, медал ва мукофотҳои пулӣ дар ҳаҷми 22 ҳазору 800 сомонӣ дар вазъияти тантанавӣ супорида шуданд.
Миёни кормондони вазорату идораҳо ва ташкилоту муассисаҳои ҷумҳуриявию шаҳрӣ мусобиқаҳои варзишӣ аз намуди футболи хурд идома дошта, дар арафаи таҷлили Рӯзи Парчами давлатии Ҷумҳурии Тоҷикистон дар вазъияти тантанавӣ ҷамъбаст ва ғолибону ҷоизадорон қадршиносӣ мегарданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
