Ғолибони бозиҳои 31-уми Чемпионати Тоҷикистон оид ба футбол миёни дастаҳои Лигаи олӣ муайян шуданд

Ноябрь 29, 2022 14:40

ДУШАНБЕ, 29.11.2022 /АМИТ «Ховар»/. Бозиҳои 31-уми Чемпионати Тоҷикистон оид ба футбол миёни дастаҳои Лигаи олӣ ба анҷом расиданд. Дар ин бозиҳои ҷолиб дастаҳои футболи «Истиқлол»-и шаҳри Душанбе медалҳои тилло, «Равшан»-и шаҳри Кӯлоб медалҳои нуқра ва «Хуҷанд»-и шаҳри Хуҷанд медалҳои биринҷиро сазовор шуданд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Бозии даври 23-юм дар гурӯҳи «А» миёни дастаҳои КМВА-и шаҳри Душанбе ва «Истиқлол»-и шаҳри Душанбе дар Варзишгоҳи марказии ҷумҳуриявӣ дар сатҳи баланд баргузор шуда, бо ҳисоби калони 5:1 ба фоидаи дастаи футболи «Истиқлол»-и шаҳри Душанбе хотима ёфт.

Дар бозии дигари давр дастаи футболи «Хуҷанд»-и шаҳри Хуҷанд дар майдони худ дастаи «Хатлон»-и шаҳри Бохтарро бо ҳисоби 2:0 шикаст дод.

Ба ин тартиб, дар ҷадвали мусобиқа дастаи футболи «Истиқлол»-и шаҳри Душанбе бо 48 хол ҷойи аввалро касб кард, «Равшан»-и шаҳри Кӯлоб бо 35 хол дар ҷойи дуюм, «Хуҷанд»-и шаҳри Хуҷанд бо 34 хол дар зинаи сеюм ҷойгир шуданд. Мавриди зикр аст, ки дастаи «Хатлон»-и шаҳри Бохтар ҳам 34 хол гирифт, аммо бо дарназардошти таносуби тӯбҳо мақоми чорумро касб карда, аз медал бенасиб монд.

Хотиррасон мешавем, ки дастаи футболи «Истиқлол»-и шаҳри Душанбе, ки дар мавсими имсола ҳам дар Ҷоми Тоҷикистон ва ҳам дар Чемпионати Тоҷикистон ғолиб шуд, дар мавсими оянда дар марҳилаи гурӯҳии Лигаи чемпионҳои AFC (Конфедератсияи футболи Осиё) бозӣ хоҳад кард. Дастаҳои футболи «Равшан»-и шаҳри Кӯлоб ва «Хуҷанд»-и шаҳри Хуҷанд Ҷумҳурии Тоҷикистонро дар Ҷоми AFC-2023 намояндагӣ мекунанд.

Ду дастаи вилояти Суғд — «Истаравшан»-и шаҳри Истаравшан ва «Равшан»-и ноҳияи Зафаробод, ки аз рӯи натиҷагирии Чемпионати Тоҷикистон-2022 ҷойҳои охирро гирифтанд, мавқеашонро дар Лигаи олӣ нигоҳ дошта натавонистанд ва соли оянда дар Лигаи якум бозӣ хоҳанд кард. Ба ҷои онҳо ду дастаи беҳтарини Лигаи якум – «Ҳосилот»-и ноҳияи Фархор ва «Кӯктош»-и ноҳияи Рӯдакӣ ба Лигаи олӣ роҳхат гирифтанд.

Қобили зикр аст, ки дастаи футболи «Истиқлол»-и шаҳри Душанбе маротибаи ёздаҳум дар таърихи худ медалҳои тиллои Чемпионати Тоҷикистонро ба даст овард. Қаблан серҷоизатарин клуби футболи кишвар дар солҳои 2010, 2011, 2014, 2015, 2016, 2017, 2018, 2019, 2020 ва 2021 чемпиони Тоҷикистон шуда буд.

Акс: ФФТ

Ноябрь 29, 2022 14:40

Хабарҳои дигари ин бахш

ҶОМИ ФЕДЕРАТСИЯ-2023. Шаш дастаи иштирокчии қисми ниҳоии он муайян гардиданд
Ҷоизадори Бозиҳои олимпӣ Юсуф Абдусаломов мураббии нави дастаи мунтахаби Тоҷикистон оид ба гӯштини тарзи озод шуд
Роҳбарияти Федератсияи футболи Тоҷикистон дар Конгресси 33-юми Конфедератсияи футболи Осиё иштирок кард
Футболбози тоҷик расман бозигари дастаи «Думиенсе»-и Португалия шуд
ФУТБОЛ. Аҳтам Назаров фаъолияти худро дар дастаи «Андиҷон»-и Узбекистон идома медиҳад
Варзишгарони тоҷик дар Чемпионати Осиё оид ба варзиши сабук иштирок мекунанд
ДЗЮДО. Дар Душанбе Чемпионати Тоҷикистон байни калонсолон баргузор мешавад
ФУТБОЛ. Дастаи мунтахаби ҷавонони Тоҷикистон бозиро бо дастаи ЛКС-и Лаҳистон мусовӣ кард
ҶОМИ ОСИЁ-2023. Футболбозони ҷавони тоҷик имрӯз бо дастаи ЛКС-и Лаҳистон бозии санҷишӣ анҷом медиҳанд
РАМЗИ УМЕДВОРӢ. Федератсияи дзюдои Тоҷикистон нишони нави худро пешниҳод кард
ЧЕМПИОНАТИ CAFA-2023. Дастаи мунтахаби занонаи футзали Тоҷикистон бар дастаи Қирғизистон пирӯз шуда, мақоми сеюмро гирифт
ЧЕМПИОНАТ ОИД БА ГӮШТИН БАЙНИ КАЛОНСОЛОН. Ғолибони он ба дастаи миллии Тоҷикистон шомил мешаванд