Паҳлавони тоҷик Темур Раҳимов дар чемпионати Аврупо дар Гурҷистон иштирок мекунад
ДУШАНБЕ, 22.11.2022 /АМИТ «Ховар»/. 26 ноябр дар шаҳри Гории Гурҷистон Чемпионати Аврупо миёни бузургсолон (European Judo Championships — Champions League (W&M) 2022) баргузор мегардад. Ягона намояндаи Ҷумҳурии Тоҷикистон дар ин мусобиқа Темур Раҳимов дар вазни беш аз 100 килограмм аст, хабар доданд ба шореҳи варзиши АМИТ «Ховар» дар Федератсияи дзюдои Тоҷикистон.
Дар чемпионат рақобатҳо аз рӯи 10 вазн (5 вазн миёни мардон ва 5 вазн миёни занон) миёни 161 варзишгар аз 26 кишвари ҷаҳон доир мешаванд.Ёдовар мешавем, ки ҳоло Темур Раҳимов миёни сангинвазнҳо дзюдочии рақами яки ҷаҳон аст.
Хотиррасон мешавем, ки дар Мусобиқаи байналмилалии «Baku Grand Slam 2022» оид ба гӯштини дзюдо, ки дар шаҳри Бокуи Озарбойҷон аз 4 то 6 ноябр бо иштироки 391 варзишгар (227 мард, 164 зан) аз 63 кишвар доир шуд, Тоҷикистонро 12 нафар варзишгарони шинохта намояндагӣ карданд ва танҳо ба Муллораҷаб Халифаев дар вазни то 66 кг ва Темур Раҳимов дар вазни +100 кг муяссар шуд, ки соҳиби медали фахрии ин мусобиқа шаванд.
Чанде пеш бо қарори Раиси шаҳри Душанбе муҳтарам Рустами Эмомалӣ ба Темур Раҳимов хонаи дуҳуҷрагӣ бо тамоми шароити рӯзгор дар шаҳри Душанбе ва ба Муллораҷаб Халифаев 100 000 сомонӣ ба хотири боло бардоштани ливои меҳан дар мусобиқаи ҷаҳонӣ инъом карда шуд.
Бояд гуфт, ки аз ин пеш, яъне 26 октябри ҳамин сол Темур Раҳимов дар Мусобиқаии байналмилалии «Abu Dhabi Grand Slam 2022» оид ба гӯштини дзюдо соҳиби медали биринҷӣ гардида буд.
Ин медали 4-уми Темур Раҳимов дар мусобиқаҳои байналмилалии Гранд Слам дар соли 2022 мебошад. Ӯ дар Гранд Слами Телавив ва Гранд Слами Анталия низ медали биринҷӣ ба даст оварда буд. Инчунин Темур Раҳимов дар мусобиқаи «Baku Grand Slam 2022» оид ба гӯштини дзюдо соҳиби 1000 имтиёзи олимпӣ гардид ва мавқеашро ҳамчун варзишгари рақами яки сайёра нигоҳ дошт.
АКС: Федератсияи байналмилалии дзюдо
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
