Пагоҳ дар Тоҷикистон Фестивали картошка баргузор мешавад

Ноябрь 25, 2022 14:26

ДУШАНБЕ, 25.11.2022 /АМИТ «Ховар»/. Пагоҳ дар бозори «Меҳргон»-и шаҳри Душанбе «Фестивали намоиш-фурӯши картошка ва тайёр намудани хӯрокҳо аз он» баргузор мегардад, ки дар он навъҳои гуногуни картошка ва хони аз хӯрокҳои картошка омодашуда пешниҳод мегардад, иттилоъ доданд ба АМИТ «Ховар» дар маркази матбуот ва иттилооти Вазорати кишоварзии мамлакат.

Дар ин рӯз ба беҳтарин картошкапарварони мамлакат аз ҷониби Вазорати кишоварзии Тоҷикистон Диплом ва туҳфаҳо тақдим мегарданд. Инчунин сокинони пойтахт имкон доранд, ки баъд аз анҷоми фестивал бо нархҳои дастрас картошка харидорӣ намоянд.

Ба гуфтаи олимони соҳаи кишоварзӣ, картошка яке аз зироати асосии хӯрокӣ барои аҳолии кураи Замин ба шумор меравад. Мувофиқи маълумоти Ташкилоти озуқаворӣ ва кишоварзии СММ (соли 2010), аз ҳисоби ҳаҷми умумии истеҳсолӣ баъд аз гандум ва шолӣ картошка дар дунё ҷои сеюмро ишғол менамояд.

Ин зироат ҳар сол дар дунё дар майдони бештар аз 20 млн гектар кишт гашта, аз он бештар аз 300 млн тонна ҳосил ба даст оварда мешавад. Аз лӯндаҳои картошка зиёда аз 200 намуд таом тайёр менамоянд. Яке аз хусусияти хуби лӯндаҳои картошка дар он зоҳир мегардад, ки сафедаҳои онҳо дар организм ба осонӣ ҳазм гашта, ба сафедаи шир хеле шабоҳат доранд. Лӯндаҳои картошка ҳамчун хӯроки серғизои одамон, ҳайвонот ва ашёи хом дар саноати сабук истифода мегарданд.

Ба иттилои Вазорати кишоварзии мамлакат, соли 2022 дар ҳамаи шаклҳои хоҷагидорӣ дар майдони 56 092 гектар кишти картошка гузаронида шудааст. То 1 ноябри соли равон дар ҳамаи шаклҳои хоҷагидорӣ 939 ҳазору 342 тонна картошка ҷамъоварӣ шудааст, ки нисбат ба ҳамин давраи соли гузашта 1930 тонна зиёд мебошад. Тибқи дурнамо, имсол ҷамъоварии 1 миллиону 108 ҳазор тонна картошка пешбинӣ гардидааст.

АКС аз бойгонии АМИТ «Ховар»

Ноябрь 25, 2022 14:26

Хабарҳои дигари ин бахш

ИСТИФОДАИ САМАРАНОКИ ЗАМИН. Деҳқони соҳибтаҷрибаи ноҳияи Қубодиён Азамат Абдураҳмонов ба ҳамдеҳагонаш ташкили дурусти гармхонаҳоро меомӯзонад
Соли 2022 яке аз солҳои рекордии болоравии нархҳои озуқа дар ҷаҳон гардид
Робитаҳои байналмилалии Хадамоти назорати давлатии бехатарии корҳо дар саноат ва соҳаи кӯҳкорӣ тақвият меёбанд
Бонки ҷаҳонӣ омода аст, ки ҳамкориро бо «Амонатбонк» густариш диҳад
«ТОҶИКИСТОН-ГАВҲАРИ КАШФНОШУДА ДАР САМОИ САЙЁҲӢ». Дар Душанбе Форум ва Намоишгоҳи байналмилалиии сайёҳӣ доир карда мешаванд
Дар Тоҷикистон дар доираи «Барномаи ҳамкорӣ дар соҳаи омӯзиши геологии қаъри замин барои солҳои 2023-2025» корҳо оғоз ёфтаанд
РУШДИ БОСУБОТИ ИҚТИСОДИ МИЛЛӢ ДАР ДОИРАИ ТАТБИҚИ БОСАМАРИ ҲАДАФҲОИ СТРАТЕГӢ. Мулоҳизаҳои муовини якуми Ректори Донишгоҳи давлатии Хоруғ дар партави Паёми Президенти Ҷумҳурии Тоҷикистон
Дар хоҷагии ҷангали «Қаратоғ»-и шаҳри Турсунзода 280 сар оҳуи холдор парвариш меёбад
Дар даврони соҳибистиқлолии Тоҷикистон дар соҳаи роҳу нақлиёт 54 лоиҳаи давлатии сармоягузорӣ татбиқ гардид
Агентии хоҷагии ҷангал: «Дар сардиҳои охир талафёбии аз меъёр зиёди ҳайвоноти ваҳшӣ ва парандагони нодир ба қайд гирифта нашудааст»
НИШАСТИ МАТБУОТӢ. Дар конҳои сангҳои ороишии Тоҷикистон 14 корхона тибқи иҷозатномаи ҳуқуқи истифодаи қаъри замин фаъолият доранд
ҚУТОСПАРВАРӢ ДАР МУРҒОБ. Барои зиёд кардани саршумори он барномаи махсуси давлатӣ қабул шудааст