ПИРӮЗӢ МУБОРАК! Тоҷикистон дар Чемпионати Осиё-2022 оид ба ҳунарҳои размӣ мақоми аввалро касб кард
ДУШАНБЕ, 02.11.2022 /АМИТ «Ховар»/. Дастаи мунтахаби Тоҷикистон оид ба муҳорибаҳои омехтаи ғайрикасбӣ дар Чемпионати Осиё-2022 натиҷаи рекордӣ нишон дод, ки ба он чанд моҳ омодагӣ медид. Дар ин бора АМИТ «Ховар» бо истинод ба Федератсияи санъати муҳорибаҳои омехтаи ғайрикасбии Ҷумҳурии Тоҷикистон (TAJMMAF) хабар медиҳад.
Бори аввал дар шаҳри Душанбе аз 27 то 30 октябр Чемпионати Осиё оид ба санъати муҳорибаҳои омехтаи ғайрикасбӣ таҳти сарпарастии IMMAF дар синни аз 18-20 ва аз 20-сола боло баргузор шуд.
Дар чемпионат 13 кишвар ва қариб 175 нафар варзишгарон ширкат доштанд. Аз ҷумла, Қазоқистон, Баҳрайн, Тоҷикистон, Узбекистон, Урдун, Покистон, Ҳиндустон, Афғонистон, Кореяи Ҷанубӣ, Муғулистон, Лубнон, Эрон ва Туркманистон.
«IMMAF» – ин Федератсияи байналмилалии муҳорибаҳои омехта буда, маркази ҷаҳонии федератсияҳои миллии MMA мебошад, ки рушди ин навъи варзишро дар саросари ҷаҳон танзим мекунад.
Чемпионат аз ҷониби Федератсияи санъати муҳорибаҳои омехтаи ғайрикасбии Ҷумҳурии Тоҷикистон (TAJMMAF) ташкил гардид. Гарчанде ки он бори аввал дар кишвари мо баргузор шуд, ташкилӣ ва миқёси он дар сатҳи олӣ буд.
Чемпионати Осиё оид ба ММА-2022 дар 13 кишвари ҷаҳон дар як замон ва дар низоми вақти воқеӣ пахш шуд.
Варзишгарони тоҷик, ки натиҷаи фавқулода нишон доданд, ҳайати доварон, инчунин мухлисонро ба ҳайрат андохтанд. Тоҷикистон бо касби 35 медал – 9 тилло, 8 нуқра ва 18 биринҷӣ дар ҳисоби даставӣ миёни 13 кишвари ширкаткунанда мақоми 1-умро касб кард.
Акс: TAJMMAF
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
