Сергей Наришкин: «Россия ва Тоҷикистон минбаъд низ барои таъмини амнияти минтақавӣ ва миллии ду давлат тадбир меандешанд»
ДУШАНБЕ, 22.11.2022 /АМИТ «Ховар»/. Президенти Тоҷикистон муҳтарам Эмомалӣ Раҳмон, имрӯз, 22 ноябр дар Қасри миллат директори Хадамоти иктишофи хориҷии Федератсияи Россия Сергей Наришкинро, ки бо сафари корӣ ба Душанбе омадааст, ба ҳузур пазируфтанд, иттилоъ медиҳад хабарнигори АМИТ «Ховар».
«Дар мулоқот бо Президенти Тоҷикистон муҳтарам Эмомалӣ Раҳмон доираи васеи масъалаҳои ҳамкории дуҷонибаи Россия ва Тоҷикистон, инчунин рӯзномаи байналмилалиро, аз ҷумла дар робита ба вазъи Афғонистон ва атрофи он баррасӣ кардем», — гуфт зимни нишасти матбуотӣ аз рӯи натиҷаҳои мулоқот бо Сарвари давлат Эмомалӣ Раҳмон директори Хадамоти иктишофи хориҷии Россия Сергей Наришкин.
Сергей Наришкин таъкид кард, ки ҷонибҳо дар мавриди арзёбии якчанд масъалаҳои рӯзномаи байналмилалӣ назари яксон доранд ва дар ин самт зарурати идомаи талошҳо барои таъмини амнияти минтақавӣ ва миллии ду кишвар зикр гардид.
Ба гуфтаи Сергей Наришкин, миёни Россия ва Тоҷикистон муколамаи боэътимод ва устувор вуҷуд дорад, ки заминаи хубе барои рушди ҳамкорӣ дар бахшҳои сиёсӣ, иқтисодӣ ва гуманитарӣ мебошад. «Мо шарики стратегӣ ва аъзои СААД ҳастем. Президентҳои ду кишвари мо дар тамоси доимӣ ҳастанд, чунон ки мегӯянд, оид ба масъалаҳои муҳими ҳамкории мо дар рӯзномаи минтақавӣ ва байналмилалӣ «соатҳоро ҳамоҳанг месозанд», — таъкид намуд директори Хадамоти иктишофи хориҷии Россия Сергей Наришкин.
АКС: Хадамоти матбуоти Президенти ҶТ/АМИТ «Ховар»
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
