«ТОҶИКИСТОН, БА ПЕШ!». Дар Душанбе Фестивали варзишии наврасони пойтахт баргузор шуд

Ноябрь 22, 2022 17:02

ДУШАНБЕ, 22.11.2022. /АМИТ «Ховар»/. Бахшида ба Рӯзи Парчами давлатии Ҷумҳурии Тоҷикистон дар майдони варзишии «Душанбе Арена»-и Федератсияи футболи Тоҷикистон Фестивали варзишии наврасони пойтахт таҳти унвони «Тоҷикистон, ба пеш!» баргузор гардид, ки дар он 70 даста бо фарогирии 800 нафар кӯдакону наврасони шаҳраку маҳаллаҳои пойтахт иштирок намуданд. Дар ин бора ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.

Фестивали мазкур дар асоси дастуру супоришҳои бевоситаи Раиси шаҳри Душанбе муҳтарам Рустами Эмомалӣ баргузор гардида, дар маросими ифтитоҳи он муовини Раиси шаҳри Душанбе, сарпарасти соҳа Дилбар Одилзода, муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Парвиз Собирзода, Раиси Федератсияи иттифоқҳои касабаи мустақили Тоҷикистон Маликшо Неъматзода ва дигар шахсони масъул ширкат варзиданд.

Дилбар Одилзода иброз дошт, ки ҳадаф аз ташкили чунин Фестивал, пеш аз ҳама, ҷалб намудани насли ҷавони пойтахт ба варзиш, бедор намудани ҳисси ватандӯстӣ ва ҳувияти миллӣ дар дили онҳо, талқини дӯстиву рафоқат миёни наврасону ҷавонон, дӯст доштани Ватан ва муқаддасоти он маҳсуб шуда, Раиси муҳтарами шаҳр ҳамеша барои дастгирии ҷавонони лаёқатманд ва ватандӯсту меҳанпараст тадбирҳои зарурӣ ва саривақтӣ меандешанд.


Дар охир ба ҳар як дастаи иштирокчӣ аз номи Раиси шаҳри Душанбе туҳфаҳои хотиравӣ тақдим карда шуданд.

Фестивали мазкур дар майдончаҳои варзишӣ ва бозиҳои кӯдаконаи ноҳияҳои шаҳри Душанбе то 24 ноябри соли 2022 идома дошта, дар ҷамъбаст ғолибон ва фаъолон бо туҳфаҳои хотиравӣ сарфароз мегарданд.

АКС: Шуъбаи иттилоотии дастгоҳи Раиси шаҳри Душанбе

Ноябрь 22, 2022 17:02

Хабарҳои дигари ин бахш

ДАЪВАТИ БАҲОРӢ. Дар Душанбе ба мавсими нави даъвати шаҳрвандон ба хизмати ҳарбӣ омодагӣ мебинанд
ШАҲРИ САБЗ. Дар Душанбе 193 ҳазору 499 бех ниҳолҳои ороишӣ, сояафкан, мевадиҳанда ва буттагӣ шинонида мешаванд
Ба кормандони ҳифзи ҳуқуқ ва сохторҳои низомии Душанбе моҳияти Паёми Президенти Тоҷикистон тафсир карда шуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Федератсияи байналмилалии шиноварӣ Ҳусейн Ал Мусаллам мулоқот намуданд
Раиси шаҳри Душанбе Рустами Эмомалӣ: «Дар пойтахт соли гузашта 14 муассисаи таҳсилоти умумӣ ва томактабӣ, 8 муассисаи тандурустӣ ва 74 корхонаю коргоҳи саноатӣ бунёд карда шудаанд»
Дар Душанбе барои баланд бардоштани маърифат ва тарбияи экологии аҳолӣ корҳои фаҳмондадиҳӣ доир карда шуданд
«ХЕЗ, ТО ҶАШНИ САДА БАРПО КУНЕМ…». Дар Душанбе иди Сада таҷлил карда мешавад
КВД «Обу корези Душанбе»: мушкилиҳои норасоии оби ошомиданӣ бартараф мешаванд
Оё мактабҳои пойтахт бо гармӣ таъминанд? Муовини Раиси шаҳри Душанбе бо вазъи зимистонгузаронии муассисаҳои таълимӣ шинос гардид
Ба кормандони Раёсати истифодабарии роҳҳои ноҳияи Исмоили Сомонӣ хӯрок ва либоси гарм тақдим гардид
МУШКИЛОТ ҲАЛ МЕШАВАНД! Дар Душанбе садамаҳои хатҳои оби ошомиданӣ бартараф мегарданд
Игор Черевченко сармураббии дастаи «Истиқлол» мешавад