ЁДИ ОНҲО АБАДИСТ. Парлумони Тоҷикистон барои ҷовидон гардонидани хотираи ҳомиёни Ватан қонун қабул намуд
ДУШАНБЕ, 08.11.2022 /АМИТ «Ховар»/. Парлумони Тоҷикистон қонун «Дар бораи ҷовидон гардонидани хотираи ҳалокшудагон ҳангоми ҳифзи Ватан»-ро қабул намуд. Зимни муаррифии санад дар ҷаласаи Маҷлиси намояндагони Маҷлиси Олии Ҷумҳурии Тоҷикистон муовини якуми Вазири мудофиаи Тоҷикистон, Сардори Ситоди генералии Қувваҳои Мусаллаҳи Ҷумҳурии Тоҷикистон, генерал-лейтенант Эмомалӣ Собирзода муқаррароти ин санади қонунгузориро шарҳ дод.
Нашрияи парлумонии «Садои мардум» суханони Собирзодаро дар ин бора овардааст, ки ин корҳо бо арҷгузорӣ ба мардонагӣ, шуҷоат ва қаҳрамонии фавтидагон, сабти ном, нигоҳубини қабристонҳои ҳарбиён, ёдгориҳо, маконҳои таркиш ва садамаҳои ҳавопаймоҳои низомӣ амалӣ карда мешаванд.
Гузаронидани чорабиниҳои фаврӣ-ҷустуҷӯӣ бо мақсади ошкор намудани қабристонҳои ҳарбии ба қайд гирифтанашуда, муайян намудани маълумоти шахсии хизматчиёни ҳарбии ҳалокшуда дар доираи дигар санадҳои меъёрии ҳуқуқӣ оид ба ҷовидон гардонидани хотираи муҳофизони Ватан баррасӣ карда мешавад.
«Вазорати мудофиа ва дигар сохторҳои низомии кишвар ҷиҳати ҷовидонӣ гардонидани хотираи фавтидагон пайваста тадбирҳои зарурӣ меандешанд, ки ин барои баланд бардоштани рӯҳияи ҳайати шахсии Қувваҳои Мусаллаҳи кишвар аҳамияти калон дорад», — гуфт Собирзода.
Дар қатори дигар чорабиниҳо ҷиҳати ҷовидонӣ гардонидани хотираи муҳофизони Ватан дафни хизматчиёни ҳарбӣ бо шарафи низомӣ, гузоштани санги мазор, сутунҳои ёдгорӣ, муҷассамаҳо дар қабристонҳо, гузоштани номи фавтидагон ба маҳаллаҳо, кӯчаву хиёбонҳо, муассисахои таълимӣ ва қисмҳои ҳарбӣ, гузарондани чорабиниҳои ҷустуҷӯӣ ва баргузории ҳамоишҳои оммавӣ бахшида ба санаҳои муҳим аз ин ҷумлаанд.
Муовини якуми Вазири мудофиа итминон дорад, ки ҳамаи ин корҳо ба ташаккули афкори ҷомеа, арзи эҳтиром ба мардонагӣ ва қаҳрамонии онҳое, ки зимни дифои Ватан ҷон бохтаанд, мусоидат менамояд.
София ШОИК,
АМИТ «Ховар»
АКС аз манбаъҳои боз
Рустами Эмомалӣ дар ҷаласаи тантанавии Ассамблеяи Байнипарламентии давлатҳои иштирокчии ИДМ ба муносибати 80-солагии Ғалаба иштирок намуданд
Раиси Маҷлиси миллии Маҷлиси Олӣ дар кори ҷаласаи 58-уми пленарии Ассамблеяи Байнипарламентии давлатҳои ИДМ иштирок намуданд
Рустами Эмомалӣ бо Раиси Сенати Парламенти Қазоқистон Маулен Ашимбаев мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар маросими гулгузорӣ дар оромгоҳи ёдгории Пискарёв иштирок намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар ҷаласаи Шурои Ассамблеяи Байнипарламентии давлатҳои иштирокчии ИДМ иштирок ва суханронӣ намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Раиси Маҷлиси миллии Маҷлиси Олӣ Рустами Эмомалӣ бо Раиси Шурои Федератсияи Маҷлиси Федералии Русия Валентина Матвиенко мулоқот намуданд
Рустами Эмомалӣ барои иштирок дар ҷаласаи 58-уми пленарии Ассамблеяи Байнипарламентии ИДМ вориди шаҳри Санкт-Петербург шуданд
Раиси Маҷлиси намояндагони Маҷлиси Олии Ҷумҳурии Тоҷикистон бо мардуми аз заминларза зарардидаи ноҳияҳои Рашту Тоҷикобод мулоқот намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба шаҳри Санкт-Петербурги Федератсияи Русия сафар намуданд
Байни Ҳукумати Тоҷикистон ва Ҳукумати Давлати Кувайт Созишнома оид ба канорагирӣ аз андозбандии дукарата ба тасвиб расид
Иҷлосияи якуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
