Ба қабули Фармони Президенти Тоҷикистон «Дар бораи тадбирҳои баланд бардоштани мақоми зан дар ҷомеа» 23 сол пур шуд

Декабрь 5, 2022 11:22

ДУШАНБЕ, 05.12.2022 /АМИТ «Ховар»/. 3 декабр ба қабули Фармони Президенти Ҷумҳурии Тоҷикистон «Дар бораи тадбирҳои баланд бардоштани мақоми зан дар ҷомеа», ки барои таъмини иштироки занон дар ҳаёти сиёсӣ, иқтисодиву иҷтимоии кишвар, беҳтар гардидани мақоми зан дар ҳаёти ҷомеа чун ҳуҷҷати тақдирсоз ва дунявӣ мусоидат намуд, 23 сол пур шуд. Ин нукта зимни ҳамоиш бахшида ба раванди амалишавии фармони мазкур иброз гардид, хабар доданд ба АМИТ «Ховар» дар Кумитаи кор бо занон ва оилаи назди Ҳукумати Ҷумҳурии Тоҷикистон.

Ҳамоиш таҳти раёсати Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода доир гардид. Зикр шуд, ки Фармони Президенти Ҷумҳурии Тоҷикистон «Дар бораи тадбирҳои баланд бардоштани мақоми зан дар ҷомеа» ҳамчун роҳнамо барои таҳия ва қабули даҳҳо санадҳои ҳуқуқии дигар дар масъалаи беҳдошти вазъи занон ва оила замина гузошт.

Дар ҳамоиш ҳамзамон собиқадорони меҳнат- собиқ раисони Кумитаи кор бо занон ва оила Латофат Насриддинова ва Рафоат Тоҳирова, намояндагони вазорату идораҳо, тарбиятгирандагони Муассисаи давлатии Маркази таълимии «Чароғи ҳидоят», шунавандагони курси омӯзишии «Мактаби сарварони ҷавон» ва кормандони дастгоҳи марказии кумита иштирок намуданд.

Ҳилолбӣ Қурбонзода зикр кард, ки тайи солҳои соҳибистиқлолӣ таҳти роҳбарии бевоситаи Президенти Ҷумҳурии Тоҷикистон муҳтарам Эмомалӣ Раҳмон ба беҳбуди вазъи занон таваҷҷуҳи хосса зоҳир гардид.

Дар ин давра механизмҳои миллии ҳимояи ҳуқуқи занон мустаҳкам шуда, заминаҳои қонунгузорӣ ҷиҳати имконияти баробари мардону занон таъмин ва такягоҳи воқеии бонувони тоҷик шуданд. Дар идомаи ин иқдом аз ҷониби Президенти мамлакат якчанд санадҳои арзишманде ба тавсиб расиданд, ки аз таваҷҷуҳи беандозаи Сарвари давлат ба занони кишвар шаҳодат медиҳанд.

Тазаккур дода шуд, ки тӯли 30 соли истиқлолият баланд бардоштани нақши занону бонувон дар идоракунии давлатӣ, зиёд намудани шумораи занону духтарони лаёқатманд дар вазифаҳои роҳбарикунанда, таҳким бахшидани мавқеи сиёсию иҷтимоии ин қишри ҷомеа дар меҳвари сиёсати давлату ҳукумат қарор дошт. Вобаста ба ин ва дигар масъалаҳо зиёда аз 60 санади меъёрии ҳуқуқӣ ба тасвиб расиданд.

Латофат Насриддинова аз таърихи таҳия ва қабули ин фармони тақдирсоз ёдовар шуда, зикр дошт, ки Ҳукумати мамлакат таҳти роҳбарии бевоситаи Президенти Ҷумҳурии Тоҷикистон муҳтарам Эмомалӣ Раҳмон ҳамеша мавқеи иҷтимоии занону бонувонро дастгирӣ менамояд. Хушбахтона, тавассути ғамхориҳои пайвастаи Сарвари давлат занону бонувон дар рушди иқтисоди миллии ҷумҳурӣ саҳми назаррас гузошта истодаанд.

Ҳамоиш бо тақдими Ифтихорномаи Кумитаи кор бо занон ва оилаи назди Ҳукумати Ҷумҳурии Тоҷикистон ба меҳмонон ва фаъолдухтарон анҷом ёфт.

АКС: Кумитаи кор бо занон ва оилаи назди Ҳукумати ҶТ

Декабрь 5, 2022 11:22

Хабарҳои дигари ин бахш

Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд