Дар Афғонистон нахустин бор баъди ба қудрат расидани толибон як нафар ба қатл расонида шуд
ДУШАНБЕ, 08.12.2022 /АМИТ «Ховар»/. Толибон баъди ба сари қудрат расидан дар Афғонистон ба аввалин қатл даст заданд, иброз дошт намояндаи ҳаракат Забеҳулло Муҷоҳид зимни нашри изҳороти «Толибон»*. Дар ин бора АМИТ «Ховар» бо истинод ба РИА «Новости» хабар медиҳад.
Гуфта мешавад, ки рӯзи чаҳоршанбе дар вилояти Фароҳ як мард, ки ба одамкушӣ айбдор шуда буд, ба қатл расонида шуд. Дар ҷараёни иҷрои ҳукми қатл намояндагони баландпояи ҳаракат, аз ҷумла судяи Суди Олӣ Муҷоҳид, инчунин иҷрокунандагони вазифаҳои сардорони вазоратҳои корҳои дохилӣ ва корҳои хориҷии мамлакат Сироҷиддин Ҳаққонӣ ва Амирхон Мутақӣ иштирок намуданд.
Аввалҳои моҳи августи соли 2021 толибон ҳамлаҳои худро алайҳи неруҳои давлатии Афғонистон пурзӯр намуда, 15 август вориди Кобул шуданд ва рӯзи дигар эълон карданд, ки ҷанг тамом шудааст. Ду ҳафтаи охири моҳи август аз фурудгоҳи Кобул, ки таҳти муҳофизати низомиёни амрикоӣ буд, тахлияи оммавии шаҳрвандони кишварҳои ғарбӣ ва афғонҳое, ки бо онҳо ҳамкорӣ доштанд, сурат гирифт. Шаби 31 август низомиёни амрикоӣ фурудгоҳи Кобулро тарк карда, ба ҳузури тақрибан 20-солаи низомии Амрико дар Афғонистон хотима доданд. Аввали моҳи сентябр ҳайати ҳукумати муваққатии Афғонистон эълон карда шуд ва ба он Муҳаммад Ҳасан Охунд, ки дар давраи ҳукмронии аввалини «Толибон»* масъули сиёсати берунӣ буд, роҳбарӣ кард.
______________________
* Толибон ҳаракати террористие, ки дар Тоҷикистон мамнӯъ аст
АКС аз манбаъҳои боз
ДАЪВАТИ ТИРАМОҲӢ. Ҷавонони сарбаланди ноҳияи Вахш бо ҳисси баланди ватандӯстӣ ба сафи Артиши миллӣ ҳамроҳ шуданд
Нақшаи даъвати тирамоҳӣ дар ҷамоатҳои деҳоти Ворух ва Чоркӯҳи шаҳри Исфара дар рӯзи якум иҷро гардид
Дар Фархор нақшаи даъвати тирамоҳии ҷавонон ба сафи Қувваҳои Мусаллаҳи Тоҷикистон иҷро гардид
Ноҳияи Данғара нақшаи даъвати тирамоҳиро дар рӯзи якум иҷро намуд
Дар ноҳияи Айнӣ ҳамоиши ботантанаи гусели наваскарон ба хизмати ҳарбӣ доир шуд
Ноҳияҳои минтақаи Рашт нақшаи даъват ба сафи Артиши миллиро 100 фоиз иҷро намуданд
ДАЪВАТИ ТИРАМОҲӢ. Нақшаи даъвати ҳарбии ҷавонон ба сафи Артиши миллӣ дар Норак дар рӯзи якум иҷро шуд
РИСОЛАТИ ҶАВОНМАРДӢ. Вилояти Мухтори Кӯҳистони Бадахшон нахустин шуда, нақшаи даъвати ҷавонон ба сафи Артиши миллиро 101 фоиз иҷро намуд
Ҷаласаи навбатии Шурои вазирони корҳои дохилии кишварҳои аъзои ИДМ доир шуд
Дар Қазон ҷаласаи 24-уми прокурорҳои генералии кишварҳои аъзои Созмони ҳамкории Шанхай баргузор шуд
ДАЪВАТИ ТИРАМОҲӢ. Ҷавонони сарбаланди ноҳияи Вахш бо ҳисси баланди ватандӯстӣ ба сафи Артиши миллӣ ҳамроҳ шуданд
ДАЪВАТИ ТИРАМОҲӢ. Дар шаҳри Гулистон нақшаи даъвати ҷавонон ба хизмати ҳарбӣ 100 фоиз иҷро шуд
