Дар Донишгоҳи миллии Тоҷикистон Фестивали муаррифии забон ва фарҳанги рус «Дӯстии халқҳо» баргузор гардид

Декабрь 1, 2022 10:32

ДУШАНБЕ, 01.12.2022. /АМИТ «Ховар»/. Бахшида ба 30-солагии муносибатҳои дипломатии Ҷумҳурии Тоҷикистон ва Федератсияи Россия дар Донишгоҳи миллии Тоҷикистон Фестивали муаррифии забон ва фарҳанги рус «Дӯстии халқҳо» доир гардид. Дар ин бора ба АМИТ «Ховар» дар Донишгоҳи миллии Тоҷикистон хабар доданд.

Дар Фестивал Сафири Россия дар Тоҷикистон Семён Григорйев ва намояндагони сохторҳои илмию таълимӣ ва дипломатии ҳарду кишвар иштирок доштанд.

Ректори Донишгоҳи миллии Тоҷикистон Қобилҷон Хушвахтзода нахуст меҳмононро истиқбол намуда, бо фаъолияти илмию таълимии Маркази русии назди Донишгоҳ, ки мавриди таъмиру навсозӣ қарор гирифта буд, шинос кард.

«Ҷиҳати иҷрои Фармони Президенти Ҷумҳурии Тоҷикистон аз 4 апрели соли 2003 «Дар бораи такмили таълим ва омӯзиши забонҳои русӣ ва англисӣ», дар асоси қарордоди Донишгоҳ ва Фонди «Русский мир» 10 июни соли 2010 дар ДМТ «Маркази русӣ» таъсис дода шуд, ки мақсади асосии он ташвиқу тарғиб ва тақвияти барномаи рушди устувори омӯзиши забони русӣ дар Тоҷикистон мебошад», — гуфт Қобилҷон Хушвахтзода.

Баъдан дар толори калони Шаҳраки донишҷӯён Фестивали муаррифии забон ва фарҳанги рус «Дӯстии халқҳо» ифтитоҳ ёфт, ки дар он Сафири Россия дар Тоҷикистон С. Григорйев, директори иҷроияи Фонди «Русский мир» В. Кочин, роҳбари намояндагии «Россотрудничество» дар Тоҷикистон И. Иванов иштирок намуда, доир ба ҳамкории гуногунсамти Тоҷикистон ва Россия сухан гуфтанд.

Таъкид гардид, ки муносибатҳои дипломатӣ миёни Ҷумҳурии Тоҷикистон ва Федератсияи Россия 8 апрели соли 1992 барқарор шудааст. Россия яке аз аввалин давлатҳоест, ки истиқлолият ва соҳибихтиёрии Тоҷикистонро эътироф кард. Дар заминаи муносибатҳои дӯстона ташкили марказҳои омӯзишию таълимӣ ва рушди муносибатҳои илмию таълимӣ дар ҳоли афзоиш қарор дорад.

Зикр шуд, ки дар доираи ҳамкории дуҷониба дар соҳаи илму маориф дастовардҳои назаррас рӯйи кор омаданд, ки яке аз онҳо баланд бардоштани дараҷаи дониш, маҳорату малака, шиносоӣ бо методҳои таълимии фаъол, маслиҳату машварат барои донишҷӯён ва омӯзгорони забон ва адабиёти рус мебошад.


Гуфта шуд, ки гузаронидани озмунҳо, фестивалҳо, мастер-классҳо, намоиши китобҳои дарсӣ, адабиёти бадеӣ ва чорабиниҳои илмӣ-методӣ барои донишҷӯён ва хонандагон бо ҷалби зиёиён аз ҷумлаи чорабиниҳоеянд, ки дар заминаи Маркази русии назди Донишгоҳ ташкил ва гузаронида мешаванд.

Дар Фестивал оид ба ҳамкории байналхалқӣ бо мактабҳои олӣ, академияи илмҳо, ташкилоти давлатӣ ва ғайридавлатии Россия барои амалӣ гардонидани самтҳои асосии илмӣ- тадқиқотӣ, маданию маърифатӣ ва донишандӯзии ҷомеа андешаҳои ҷолиб баён гардиданд.

Дар ҷараёни Фестивал ҳамчун рамзи дӯстӣ аз ҷониби роҳбарияти Донишгоҳ ба Сафири Россия туҳфаи хотиравӣ ва аз ҷониби роҳбарияти Фонди «Русский мир» ба ректори ДМТ Нишони сарисинагӣ ба муносибати рушди ҳамкории дуҷониба тақдим шуданд.


Дар идомаи Фестивал барномаи рангини ҳунарии ансамбли халқии «Наврӯз»-и Донишгоҳ бо ҷалби донишҷӯёни факултети филологияи рус доир гардид, ки аз қироати шеърҳо ва суруду таронаҳои дилнишин иборат буд.

АКС: Донишгоҳи миллии Тоҷикистон

Декабрь 1, 2022 10:32

Хабарҳои дигари ин бахш

Дар Суғд 39 нафар ғолиби Озмуни вилоятии «Хомаи созанда-2022» гардид
6 феврал «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Имсол дар ин озмуни ҷумҳуриявӣ рассомон ва дизайнерон иштирок мекунанд
««ТОҶИКОН» – ОИНАИ ТАЪРИХИ МИЛЛАТ». Шоҳҷоиза барои ғолибон дар ҳар гурӯҳи ин озмуни ҷумҳуриявӣ 70 ҳазор сомонӣ пешбинӣ шудааст
Пагоҳ Кумитаи дин, танзими анъана ва ҷашну маросим, Агентии назорати маводи нашъаовар, Агентии «Тоҷикстандарт», КВД «Хоҷагии манзилию коммуналӣ» ва КВД «Тоҷиксуғурта» нишасти матбуотӣ баргузор менамоянд
Хизматчиёни давлатии Тоҷикистон дар шаҳри Беппуи Ҷопон фарҳанги миллати тоҷикро муаррифӣ карданд
Дар озмуни ҷумҳуриявии ««Тоҷикон» – оинаи таърихи миллат» иштирок менамоем
«ТАВАҶҶУҲИ ҲАКАМОН» БА «ДОВ». Филми Тоҷикистон дар Кинофестивали байналмилалӣ соҳиби ҷоиза гардид
Соли 2022 беш аз 138 ҳазор нафар сайёҳон аз мавзеъҳои таърихию фарҳангии вилояти Суғд дидан карданд
АРҶ МЕГУЗОРЕМ. Дар Бохтар Осорхонаи Ҳунарпешаи халқии Тоҷикистон Аловуддин Абдуллозода таъсис меёбад
«КУРУШИ КАБИР»-ЛОИҲАИ НАВИ БАЛЕТ. Ба наздикӣ он дар Душанбе рӯнамоӣ мегардад
Тоҷикистон ҳуҷҷатҳои дахлдорро барои ба номинаи объектҳои мадании ЮНЕСКО ворид шудани Мамнуъгоҳи «Бешаи палангон» пешниҳод намуд