Дар машқгоҳи «Фахробод» тамринҳои махсуси баталионӣ-тактикӣ доир гардиданд

Декабрь 8, 2022 16:10

ДУШАНБЕ, 08.12.2022 /АМИТ «Ховар»/. Дар доираи натиҷагирӣ аз давраҳои омӯзишӣ дар Артиши миллӣ бо ҷалби яке аз баталионҳои Бригадаи ҳамлаовари десантӣ-зарбавии Қӯшунҳои зудамали Қувваҳои Мусаллаҳи мамлакат дар машқгоҳи «Фахробод»-и гарнизони Хатлон машқҳои махсуси баталионӣ-тактикӣ доир карда шуданд. Дар ин бора ба АМИТ «Ховар» дар Вазорати мудофиаи кишвар хабар доданд.

Машқҳои мазкур дар ду марҳила гузаронида шуда, роҳбарони машғулият нахуст аз рӯйи тамсила ё худ макет матлаби ба машқҳо пешбинигардидаро муайян ва мушаххас намуданд. Тибқи матлаби баргузории тамринҳои навбатӣ, гӯё гурӯҳи ғайриқонунии силоҳбадаст дар бинои маъмурӣ мавқеъ гирифта, нақшаи амалинамоии ҳодисаҳои харобкоронаро тарҳрезӣ менамуд ва гурӯҳи дигар бо убури ғайриқонунии сарҳади давлатӣ мехост вазъиятро дар яке аз минтақаҳои масъулиятноки марзӣ ноором созанд.

Барои дастгиру безарар гардонидани афроди сарҳадшикану ғайриқонунӣ мусаллаҳ ҷузъу томҳои ҳамлаовари десантӣ бо истифодаи техникаҳои вазнини зиреҳпӯши ҷангӣ, авиатсияи ҳарбӣ, силоҳу муҳимоти ҳозиразамони низомӣ ва дигар лавозимоти ҳарбӣ амалиёти зиддитеррористӣ доир намуданд.

Дар машқҳои мазкур унсурҳои мухталифи зиддитеррористӣ ва дигар роҳу усулҳои мубориза ба зидди афроди ғайриқонуни мусаллаҳ амалан коркарду тарҳрезӣ гардиданд.

Ҷараёни баргузории машқҳои мазкур аз ҷониби ҳайати фармондеҳии Қӯшунҳои зудамал ва Бригадаи ҳамлаовари десантӣ бевосита назорат карда шуд.

Зимни ҷамъбасту натиҷагирӣ масъулини Қӯшунҳои зудамали Артиши миллии кишвар дар назди ҳайати иштирокчиёни машқҳои баталионӣ-тактикӣ баромад намуда, ба маҳорати касбиву қобилияти ҷангӣ ва сатҳи омодагии ширкаткунандагони ин размоиши низомӣ баҳои баланд доданд. Ва дар ин радиф иброз доштанд, ки ҳар хизматчии ҳарбӣ бояд дар самти пешгирӣ аз хатарҳои афзояндае, чун терроризму экстремизм ҳамеша пайи эҷоди роҳҳои муассири такмили касбият бошад ва баҳри таъмини амнияти устувори Тоҷикистон доимо талош намояд.

АКС: Вазорати мудофиаи ҶТ

Декабрь 8, 2022 16:10

Хабарҳои дигари ин бахш

АФЗАЛИЯТ ВА БАРТАРИЯТИ ХИЗМАТИ АСКАРӢ. Ҷавонон баробари ворид шудан ба хизмат таҳти ҳимояти Артиши миллӣ қарор мегиранд
Стратегияи миллӣ оид ба назорати маводи нашъаовар дар мақомоти гумруки Тоҷикистон тавзеҳ дода шуд
Дар Хатлон якчанд ноҳия даъвати баҳориро ба сафи Қувваҳои мусаллаҳи Ҷумҳурии Тоҷикистон ҷамъбаст намуданд
Дар шаҳри Бӯстон вохӯрии навбатии гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Тоҷикистон дар самти мубориза бо терроризму экстремизм яке аз давлатҳои пешсаф аст
10 АПРЕЛ-РӮЗИ ҚӮШУНҲОИ ДОХИЛИИ ТОҶИКИСТОН. Ба ташкили ин сохтори низомӣ 33 сол пур шуд
Байни Вазорати корҳои дохилии Тоҷикистон ва Вазорати амнияти ҷамъиятии Чин Ёддошти тафоҳум ба имзо расид
Хизмат дар сафи Қувваҳои Мусаллаҳи Тоҷикистон мактаби шуҷоату мардонагӣ аст
ТЕРРОРИЗМ ЧИСТ? ТЕРРОРИСТ КИСТ? Чаро як фард тамоми арзишҳои инсониро канор гузошта, ба ин роҳи манфур меравад?
Дар Истаравшан гурӯҳи нахустини ҷавонон ба сафи Қувваҳои Мусаллаҳ пайваст
Дар Душанбе масъалаи татбиқи марҳилаи дуюми низоми «Шаҳри бехатар» баррасӣ шуд
Дар Суғд нахустин гурӯҳи даъватшавандагонро ба таври тантанавӣ ба хизмати ҳарбӣ гусел намуданд