Дар МОИ «Суғд» сохтмони корхонаи истеҳсоли халта анҷом ёфта, бунёди коргоҳи нави коркарди меваю сабзавот идома дорад
ДУШАНБЕ, 05.12.2022. /АМИТ «Ховар»/. Дар корхонаи нави ҶДММ «Азия Политекс», ки дар Минтақаи озоди иқтисодии «Суғд» ҷойгир аст, корҳои васлу насби таҷҳизот дар арафаи анҷомёбӣ қарор дошта, айни замон марҳилаи санҷишӣ ва омӯзиши коргарон оғоз ёфтааст. Баробари мавриди истифода қарор гирифтани марҳилаи аввали корхона беш аз 100 нафар бо ҷойи кор ва маоши хуб таъмин мешаванд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Корхонаи мазкур барои истеҳсоли халтаҳои гуногунҳаҷм пешбинӣ гардида, дар масоҳати 1,6 га бунёд гардидааст. Маблағи сармоявии ширкат 2,5 миллион доллари амрикоӣ буда, марҳила ба марҳила то ба 10 миллион доллари ИМА расонида хоҳад шуд.
Ёдовар мешавем, ки 2 декабр Раиси вилояти Суғд Раҷаббой Аҳмадзода дар Минтақаи озоди иқтисодии «Суғд» бо ҷараёни васлу насби таҷҳизот дар корхонаи мазкур шинос гардид.
Масъулини Ҷамъияти дорои масъулияти маҳдуди «Азия Политекс» иттилоъ доданд, ки таҷҳизоту техникаи зарурӣ аз хориҷи мамлакат ворид ва насбу васл гардид.
Раиси вилоят барои пурра омода намудани корхона ба масъулин супоришҳо дода, ҷалби бештари коргарон ба омӯзишро мувофиқи мақсад арзёбӣ кард.
Бо Солҳои рушди саноат эълон гардидани солҳои 2022-2026 дар шаҳри Хуҷанд ба бунёди корхонаҳои нав таваҷҷуҳи хоса зоҳир гардида, соҳибкорон бо дастгирии давлат дар саноатикунонии кишвар саҳми назаррас мегузоранд. Аз ҷумла, дар минтақаи саноатии шаҳри Хуҷанд аз тарафи ҶДММ «Доро инвест» бунёди корхонаи нави коркарди меваву сабзавот идома дорад, ки он дар доираи омодагиҳо ба истиқболи 35-солагии Истиқлоли давлатии Ҷумҳурии Тоҷикистон сохта мешавад.
Зимни шиносоии Раиси вилоят бо ҷараёни корҳои сохтмонӣ иттилоъ дода шуд, ки дар корхонаи мазкур дар як моҳ то 90 тонна меваю сабзавотро коркард намуда, дар марҳилаи аввал 120 нафар бо ҷойи корӣ таъмин мегарданд. Дар назар аст, ки дар марҳилаҳои баъдӣ шумораи ҷойҳои корӣ ба 300 адад расонида шавад.
АКС: Хадамоти матбуоти Раиси вилояти Суғд
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
Форуми соҳибкорони Тоҷикистон ва Амороти Муттаҳидаи Араб баргузор мегардад
Дар Суғд оид ба муаррифии имконоти сармоягузории минтақа форуми тиҷоратӣ баргузор шуд
Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Пешвои миллат Эмомалӣ Раҳмон дар шаҳри Бӯстон корхонаи истеҳсоли газаблоки “Хишти муосири аълосифат”-ро ифтитоҳ намуданд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
