ДАР МОСКВА РӮНАМОИИ КИТОБИ НАВИ ДАРСИИ ЗАБОНИ ТОҶИКӢ БАРГУЗОР ГАРДИД. Яке аз муаллифони он собиқ роҳбари бунгоҳи АМИТ «Ховар» дар пойтахти Россия мебошад

Декабрь 19, 2022 10:55

ДУШАНБЕ, 19.12.2022. /АМИТ «Ховар»/. Дар Маркази адабиёти шарқи Китобхонаи давлатии Россия рӯнамоии китоби дарсии «Забони тоҷикӣ. Тарҷумаи ҷамъиятию сиёсӣ» баргузор гардид. Китоби мазкур дар Донишкадаи давлатии муносибатхои байналмилалии Москваи (ҳоло Донишгоҳ) Вазорати корҳои хориҷии Федератсияи Россия аз чоп баромада, муаллифони он Ҳалима Хушқадамова ва Елена Гладкова мебошанд.

Қабл аз маросим иштирокчиён ва меҳмонон намоишгоҳи хурди махсуси китобҳои фондҳои Китобхонаи давлатии Россия боздид намуданд.

Дар намоишгоҳ дастовардҳои нашриётҳои чопӣ — китобҳои дарсии забони тоҷикӣ барои мактабҳои русӣ ва русзабонҳо аз солҳои 1920-уми асри гузашта то имрӯз ба маъраз гузошта шуданд.

Муовини директори Маркази адабиёти шарқи Китобхонаи давлатии Россия М В. Меланина меҳмонон ва иштирокчиёни маросимро хайрамақдам гуфта, дар бораи анъанаи деринаи ҳамкорӣ, ки Марказ ва Донишкадаи давлатии муносибатхои байналмилалии Москва (Донишгоҳи)-и Вазорати корҳои хориҷии Россияро мепайвандад, сухан гуфт.

ДАР АКС: Елена Лвовна Гладкова, мудири кафедраи забонҳои ҳинду эронӣ ва африқоии Донишкадаи давлатии муносибатхои байналмилалии Москва (Донишгоҳ)-и Вазорати корҳои хориҷии Россия.

Доктори илмҳои ҷомеашиносӣ, профессори кафедраи забонҳои ҳинду эронӣ ва африқоӣ, узви Иттифоқи нависандагони Тоҷикистон Х.О. Хушқадамова таваҷҷуҳи ҳозиринро ба «Китоби дарсии забони точикӣ барои мактабҳои олӣ «Забони тоҷикӣ» (нашриёти «Ирфон», 1969) бо соядасти муаллифони китоби дарсӣ, ки ба унвонии нависандаи машҳури советию тоҷик Сотим Улуғзода 2 сентябри соли 1969 нашр шуда буд, ҷалб намуд.

Худи нависанда, ба гуфтаи вай, 8 майи соли 1995 ба ӯ, он замон котиби матбуотии Сафорати Тоҷикистон дар Россия ин китоби дарсиро ҳадя кардааст ва Халимахон Отамбековна бар ин бовар аст, ки ин ҳидояти устодро то андозае иҷро мекунад.

ДАР АКС: доктори илмҳои ҷомеашиносӣ, узви Иттифоқҳои нависандагон ва журналистони Тоҷикистон Ҳалимахон Отамбековна Хушқадамова.

Зарангези ЛАТИФ,
АМИТ «Ховар»

АКС аз манбаъҳои боз

 

Маълумоти АМИТ «Ховар»

Матнҳои китоби дарсӣ бар асоси маводи Агентии миллии иттилоотии Тоҷикистон – АМИТ «Ховар» ва интишороти сомонаҳои расмии Тоҷикистон таҳия гардидаанд. Ҳангоми таҳия ва навиштани дастурамал тамоюли наздикшавии меъёри адабии забони муосири тоҷикӣ бо забони классикии форсӣ ба назар гирифта шудааст.

Китоби дарсии «Забони тоҷикӣ. Тарҷумаи ҷамъиятӣ-сиёсӣ» аввалин дастурамали дарсӣ дар ин шакл миёни дигар забонҳои кишварҳои узви ИДМ мебошад. Он дар курси забони тоҷикии назди ДДМБМ-и Вазорати корҳои хориҷии Россия, ДДОА-и Донишгоҳи давлатии Москва ба номи М.В.Ломоносов ва Донишгоҳи ҳарбии Вазорати мудофиаи Федератсияи Россия санҷида шуд.

Декабрь 19, 2022 10:55

Хабарҳои дигари ин бахш

Масъалаи эътирофи баробарарзиши дипломҳои муассисаҳои таҳсилоти олӣ ва дараҷаву унвонҳои илмӣ байни Тоҷикистон ва Чин баррасӣ шуд
Дар ноҳияи Ҷалолиддини Балхӣ бинои иловагии муассисаи таълимӣ барои 288 хонанда ифтитоҳ ёфт
Донишгоҳи байналмилалии забонҳои хориҷии Тоҷикистон ва Донишгоҳи давлатии омӯзгории Бошқирдистон шартномаи ҳамкорӣ ба имзо расониданд
ФАРЗАНДОНРО БА РОҲИ РОСТ ҲИДОЯТ НАМОЕМ! Имрӯз барои илму дониш омӯхтан ва соҳибкасб гардидани онҳо тамоми шароит муҳайё гардидааст
МАРОТИБАИ АВВАЛ. Байни тарбиягирандагони муассисаҳои таҳсилоти томактабии Душанбе озмуни забондонӣ идома дорад
Байни Донишгоҳи давлатии омӯзгории Тоҷикистон ва 7 донишгоҳи олии Узбекистон шартномаи ҳамкорӣ ба имзо расид
Дар Донишгоҳи давлатии ҳуқуқ, бизнес ва сиёсати Тоҷикистон ҳамоиши рушди робототехника доир шуд
БО КВОТАИ «ДУРАХШАНДАГОН»-МАШҲУР ДАР ҶАҲОН. Донишҷӯёни тоҷик бо таҳсили намунавӣ дар рейтинги аввал қарор доранд
Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд