Дар шаҳри Душанбе Намоишгоҳи даҳуми байналмилалии «Китоби Душанбе» оғоз ёфт
ДУШАНБЕ, 14.12.2022 /АМИТ «Ховар»/. Имрӯз бо ташаббуси Вазорати фарҳанги Тоҷикистон дар бинои Театри давлатии академии опера ва балети ба номи Садриддин Айнӣ Намоишгоҳи даҳуми байналмилалии «Китоби Душанбе» бо шукӯҳу шаҳомати хосса таҷлил гардида, ин маъракаи фарњангb ноширони ватаниву хориҷиро ба ҳам овард. Дар ин бора мухбири АМИТ «Ховар» хабар медиҳад.
Зимни ифтитоҳи ин Намоишгоҳи байналмилалӣ Вазири фарҳанги Тоҷикистон Зулфия Давлатзода китобро муҳимтарин дастоварди ҷомеаи башарӣ унвон карда, иброз дошт, ки аз оғози таърих то ба имрӯз китоб аст, ки таърихи ҳар халқу миллатро аз як насл ба насли дигар интиқол медиҳад ва забони миллиро ташаккул дода, ҳифз менамояд.
«Китоб афкори волои инсониро дар беҳтарин шаклу муҳтаво фаро мегирад, одамро ба ҷойгоҳи баландтарини инсониии хеш мерасонад. Қавму милатҳоро шинос месозад. Гузаштаро барои ояндасозӣ пеши чашмони мо ҷилвагар месозад. Бо таваҷҷуҳ ба ҳамин моҳияти олии фарҳангӣ ва иҷтимоии китоб Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон дар сиёсати фарҳангии хеш ба масъалаи нашри китоб ва оммавигардонии китобхонӣ миёни ҷомеа, бахусус миёни насли наврас ва ҷавон диққати махсус зоҳир менамоянд»,-изҳор дошт З.Давлатзода.
Бояд гуфт, ки аз соли 2010 инҷониб ҳамасола баргузории Намоишгоҳи байналмилалии «Китоби Душанбе» дар пойтахти кишвар ба ҳукми анъана даромадааст. Ин иқдоми наҷиб аз ҷониби роҳбарияти мамлакат, кулли фарҳангиён ва аҳли ҷомеа хуш пазируфта шуда, дар таҳкиму густариши равобити фарҳангии давлати соҳибистиқлоламон бо мамолики бо мо дусту бародар нақши созгор мегузорад.
Дар намоишгоҳи мазкур ноширони дохилу хориҷи кишвар, ба монанди Комбинати полиграфии шаҳри Душанбе, Муассисаи давлатии нашриёти «Адиб», Муассисаи давлатии нашриёти «Ирфон», «Нашриёти муосир», Пажӯҳишгоҳи фарҳанг ва иттилоот, Комплекси табъу нашри «Шарқи озод», намояндагони Россия, Ҳиндустон, Туркия, Беларус, Эрон, Қазоқистон иштирок намуда, китобҳои тозанашри худро ба намоиш гузоштанд.
Зулфия Давлатзода зикр намуд, ки «мояи хушнудист, ки имрӯз мо дар фазои дӯстиву бародарӣ ҳамдигарфаҳмӣ, ҳамраъйии ноширони хориҷиву ватаниро дар ин Намоишгоҳи байналмилалии китоб пазироӣ мекунем. Миллати тоҷик ба китоб ҳамчун яке аз унсурҳои афзуни фарҳанги башарӣ иртибот, муносибат ва таваҷҷуҳи хосса дорад. Аслан таърихи миллати мо бе китоб қобили тасаввур нест».
Намоишгоҳи байналмилалии китоб тӯли ду рӯз — аз 14 то 16 декабр идома меёбад.
Шаҳлои САДРИДДИН,
АМИТ «Ховар»
АКС: АМИТ «Ховар»
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
