РАВАНДИ ОБИ ДУШАНБЕ. Ҳайати Тоҷикистон дар Ҳамоиши СММ-об оид ба обҳои зеризаминӣ дар шаҳри Париж иштирок дорад
ДУШАНБЕ, 07.12.2022 /АМИТ «Ховар»/. 7-8 декабри соли 2022 дар қароргоҳи Созмони Милали Муттаҳид оид ба масъалаҳои маориф, илм ва фарҳанг (ЮНЕСКО) дар шаҳри Парижи Ҷумҳурии Фаронса ҳайати Ҷумҳурии Тоҷикистон таҳти роҳбарии Вазири корҳои хориҷӣ, раиси Комиссияи миллии кишвар оид ба корҳои ЮНЕСКО Сироҷиддин Муҳриддин дар Ҳамоиши СММ—об оид ба обҳои зеризаминӣ иштирок доранд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар рӯзи аввал, ифтитоҳи Ҳамоиш аз ҷониби раиси ниҳоди СММ-об Жилбер Унгбо сурат гирифта, сипас сухан ба Вазири корҳои хориҷии Ҷумҳурии Тоҷикистон дода шуд.
Зимни суханронӣ Сироҷиддин Муҳриддин оид ба ташаббусҳои байналмилалии Тоҷикистон марбут ба об, натиҷаҳои Конфронси дуюми Душанбе оид ба Даҳсолаи амал “Об барои рушди устувор”, ки моҳи июни соли равон дар доираи «Раванди оби Душанбе» баргузор гардид, ва рафти омодагӣ ба Конфронси оби Созмони Милали Муттаҳид дар соли 2023 маълумот манзур намуд.
Қобили зикр аст, ки дар ҷаласаи мазкур ва чорабиниҳои канории он беш аз 3700 намояндагони кишвару созмонҳои ҷаҳон, аз ҷумла зиёда аз 120 баромадкунандагони воломақом иштирок мекунанд.
Акс: ВКХ ҶТ
Сафири Тоҷикистон бо Вазири барқ, об ва энергияи таҷдидпазири Кувайт мулоқот кард
Форуми байналмилалии «Сайёҳии устувор ва мероси фарҳангӣ» дар Тоҷикистон дар расонаҳои иттилотии Аморот инъикос ёфт
Моҳи майи соли 2027 дар Душанбе Конфронси байналмилалии сатҳи баланд роҷеъ ба оғози Даҳсолаи таҳкими сулҳ баргузор мешавад
Сафири Тоҷикистон бо Вазири федералии энергетикаи Покистон мулоқот намуд
Рушди муносибатҳои дуҷонибаи Тоҷикистону Умон баррасӣ гардид
Дурнамои ҳамкории Тоҷикистон ва Кувайт дар соҳаи маориф баррасӣ шуд
Шараф Шерализода бо ҳамраисони иҷроия ва аъзои Шурои директорони Палатаи муштараки савдои Швейтсария мулоқот намуд
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
Сафири Тоҷикистон дар Амрико бо тоҷикони Канада мулоқот намуд
Сироҷиддин Муҳриддин бо Сафири Арабистони Саудӣ мулоқот намуд
Ба бузургдошти Робиаи Балхӣ ва Ҳофизи Шерозӣ дар Вена ҳамоиш доир гардид
