РЕЙТИНГИ ФИФА. Тоҷикистон дар кадом мақом аст – далоил ва тафсилот

ДУШАЕБЕ, 24.12.2022 /АМИТ «Ховар»/. Дар раддабандии (рейтинги) Федератсияи байналмилалии ассотсиатсияҳои футбол (ФИФА), ки пас аз Чемпионати ҷаҳон-2022  дар Қатар таҷаддуд ёфтааст, дастаи мунтахаби Тоҷикистон оид ба футбол бо 1187 имтиёз  дар  мақоми 108-ум қарор дорад, хабар медиҳад АМИТ «Ховар» бо истинод ба SPORTS.tj.

Дастаи мунтахаби Бразилия дар садри  раддабандӣ қарор дорад. Ҷойи дуюмро Аргентина, сеюмро Фаронса  ишғол мекунанд.

Белгия, ки пештар  дар мақоми дуюм буд, ба зинаи чорум поин рафт.

Дастаи мунтахаби Марокаш аз ҳама нишондоди беҳтарро ба даст овард. Ин мунтахаби африқоӣ аз аввали соли 2022 соҳиби 142 хол шуда, ҳоло ба ҷойи 11-ум баромад.

Рейтинги дастаҳои мунтахаб аз рӯи фарзияи ФИФА:

1. Бразилия – 1840
2. Аргентина – 1838
3. Фаронса – 1823
4. Белгия – 1781
5. Англия – 1774
6. Нидерланд – 1740
7. Хорватия – 1727
8. Италия – 1723
9. Португалия -1702
10. Испания – 1692
11. Марокаш – 1672
12. Швейтсария – 1655
13. ИМА  – 1652
14. Олмон – 1646
15. Мексика – 1635
16. Уругвай – 1627
17. Колумбия – 1612
18. Дания – 1608
19. Сенегал – 1603
20. Ҷопон – 1593.

Давлатҳои собиқ ИҶШС:

1. Украина – 1536
2. Россия – 1491
3. Узбекистон – 1312
4. Гурҷистон – 1305
5. Арманистон – 1233
6. Қирғизистон – 1231
7. Беларус – 1221
8. Тоҷикистон – 1187
9. Эстония – 1186
10. Қазоқистон – 1163
11. Озарбойҷон  – 1151
12. Латвия – 1116
13. Туркманистон – 1100
14. Литва – 1069
15. Молдова – 958.

Нишондиҳандаи беҳтарини Тоҷикистон дар рейтинги ҷаҳонӣ моҳи июли соли 2013 ба даст омада буд: дастаи мунтахаби кишвар  он вақт мақоми 106-умро касб карда буд. Имсол дастаи мунтахаби Тоҷикистон тавонист аз рӯи 40 банд боло равад. Аз рӯи натиҷаҳои раддабандии моҳона дастаи мунтахаби кишвар натиҷаи пасттаринро соли 2003 (ҷои 180-ум) нишон дода буд. Пасттарин нишондиҳандаи солона ба ҳисоби миёна соли 2002 (миёни 207 дастаи ҷои 168-ум) ба қайд гирифта шудааст.

Акс: FIFA