СОЛИ НАВИ БЕХАТАР. Дар шабу рӯзҳои ид қоидаҳои таъмини бехатарӣ аз сӯхторро бояд риоя кард
ДУШАНБЕ, 31.12.2022 /АМИТ «Ховар»/. Соли нави мелодӣ фаро мерасад ва бо наздик шудани он мардум бештар гирди арчаи солинавӣ, ки рамзи ҳамин ҷашн аст, ҷамъ меоянд. Мерақсанд, шӯхиву бозӣ мекунанд, аммо дар баробари шодиву нишот баъзан ҳодисаҳои нохуш, аз ҷумла риоя нагардидани қоидаҳои бехатарӣ аз сӯхтор рух медиҳанд. Аз ин рӯ, Сарраёсати Хадамоти давлатии оташнишонии Вазорати корҳои дохилии Ҷумҳурии Тоҷикистон низ дар маросими иди арча фаъолияти хешро боз ҳам пурзӯр намуда, баҳри таъмини бехатарӣ аз сӯхтор дар иншооту муассисаҳо ва ҷойҳои ҷамъшавии одамон корҳои фаҳмондадиҳӣ мебарад, хабар медиҳад АМИТ «Ховар» бо истинод ба Вазорати корҳои дохилӣ.
Дар робита ба ин Сарраёсати Хадамоти давлатии оташнишонӣ (СХДО) доир ба таҳкими вазъи бехатарӣ аз сӯхтор ва истифодаи сарфакоронаи қувваи барқ машварат баргузор намуд.
Сардори СХДО ВКД Бахтиёр Умарзода оид ба ҳолати бехатарӣ аз сӯхтори муассисаву иншоот, идораву корхонаҳо ва бозору марказҳои калони савдое, ки дар онҳо новобаста аз тадбирҳои андешидаи кормандони Хадамоти давлатии оташнишонӣ ҳанӯз ҳам меъёру талаботи қоидаҳои бехатарӣ аз сӯхтор дар сатҳи зарурӣ риоя карда намешаванд, сухан гуфта, оид ба сабабу омилҳои асосии ҳодисаҳои сӯхтор давоми солҳои 2021-2022 рухдода ва зарари аз онҳо расида маълумоти муфассал дод.
Мавриди зикр аст, ки ҳадафи асосии роҳбарияти Вазорати корҳои дохилии Ҷумҳурии Тоҷикистон ва Сарраёсати хадамоти давлатии оташнишонӣ аз баргузории чунин чорабиниҳо- сари вақт пешгирӣ намудани ҳодисаҳои нохуши сӯхтор ва эмин нигоҳ доштани тамоми намуди моликият аз нобудшавӣ дар коми оташ ва ба ин васила саҳм гузоштан дар рушду шукуфоии Ватан, ҳифзи истиқлолияти давлатӣ ва меҳану миллати худ мебошад.
София ШОИК,
АМИТ «Ховар»
АКС аз манбаъҳои боз
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
