ТАСС: ЮНЕСКО нақша дорад бо Тоҷикистон барои пурзӯр намудани тадбирҳои ҳифзи пиряхҳо ҳамкорӣ кунад
ДУШАНБЕ, 22.12.2022 /АМИТ «Ховар»/. ЮНЕСКО ташаббуси Тоҷикистонро дар мавриди эълони Соли байналмилалии ҳифзи пиряхҳо дастгирӣ намуда, нақша дорад дар таҳияи лоиҳаҳо бахшида ба рушди ин соҳа бо ҷумҳурӣ ҳамкорӣ ба роҳ монад. Тавре ТАСС хабар медиҳад, дар ин бора дар номаи Директори генералии ЮНЕСКО Одри Азуле ба Президенти Тоҷикистон Эмомалӣ Раҳмон гуфта шудааст, иттилоъ доданд рӯзи панҷшанбе дар хадамоти матбуотии ӯ.
«Мо итминони комил дорем, ки қатъномаи мазкур ҷиҳати баррасии аҳамияти пиряхҳо ҳамчун ҷузъи даври гидрологӣ ва таъкиди бештари мушкилиҳои ногузир дар соҳаи муҳити зист, тандурустии инсонҳо ва амнияти захираҳои об, ки аз обшавии босуръат ва коҳиши пиряхҳо зуҳур мекунанд, мусоидат хоҳад кард»,- зикр намуд Азуле.
Ба гуфтаи ӯ, «дар доираи Барномаи байниҳукуматии гидрологии худ мо аллакай якчанд лоиҳаҳоро оид ба арзёбии таъсири барф ва пиряхҳо дар Осиёи Марказӣ оғоз кардем <…> Мо умедворем, ки бо шумо барои боз ҳам таҳким бахшидан ба ин ташаббусҳои муҳим ҳамкорӣ намоем».
14 декабр Маҷмаи Умумии Созмони Милали Муттаҳид қатъномаи «Соли 2025 — Соли байналмилалии ҳифзи пиряхҳо»-ро, ки аз ҷониби Ҷумҳурии Тоҷикистон пешбарӣ шуда буд, қабул кард.
Қаблан Президенти Тоҷикистон борҳо таъкид карда буданд, ки масъалаи ҳифзи пиряхҳо- манбаи оби ошомиданӣ бояд дар маркази таваҷҷуҳи ҷаҳониён қарор дошта бошад. Ба гуфтаи Сарвари давлат, Тоҷикистон бар асари гармшавии глобалӣ пиряхҳоро аз даст медиҳад ва то кунун аз 13 ҳазор пиряхи ин кишвар як ҳазори он комилан аз байн рафтаанд.
Масоҳати пиряхҳо 8 фоизи қаламрави Тоҷикистонро ташкил медиҳад. Дар баробари ин қариб 60 фоизи тамоми захираҳои обии Осиёи Марказӣ ба ҳиссаи ин пиряҳо рост меояд.
Шаҳлои САДРИДДИН,
АМИТ «Ховар»
АКС: Хадамоти матбуоти Президенти ҶТ/АМИТ «Ховар»
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
