Тоҷикистон ва Дафтари барномаҳои САҲА ҳамкориро дар соҳаи назорати маводи нашъаовар густариш медиҳанд
ДУШАНБЕ, 08.12.2022 /АМИТ «Ховар»/. Тоҷикистон ва Дафтари барномаҳои САҲА дар Душанбе ба густариши минбаъдаи ҳамкорӣ дар самти назорати маводи нашъаовар омода мебошанд. Ин нукта 7 декабр зимни мулоқоти Директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода бо роҳбари Дафтари барномаҳои САҲА дар Душанбе Теа Ҷалиашвилӣ тазаккур дода шуд.
Зимни мулоқот ҳамчунин Ҳабибулло Воҳидзода аз сатҳи ҳамкории судманди Агентӣ ва Дафтари барномаҳои САҲА дар Душанбе ва самтҳои фаъолияти Агентӣ, вазъи маводи нашъаовар дар Тоҷикистон ва инчунин оид ба ҳамкорӣ дар самти назорат ва пешгирии нашъамандӣ ёдовар шуда, изҳори қаноатмандӣ намуд.
Тибқи нақшаи чорабиниҳои муштарак оид ба таҳкими иқтидори Агентӣ Дафтари барномаҳои САҲА дар Душанбе дар таъмири бинои маҷлисгоҳи хурди Агентӣ кумаки молиявӣ намуда, онро бо таҷҳизоти муосир муҷаҳҳаз гардонид. Он минбаъд дар қабули меҳмонон ва баргузории маъракаҳои гуногун, аз қабили ҷаласа, семинар ва мизҳои мудаввар дар соҳаи коҳиши талабот ба маводи нашъаовар ва ғайра мавриди истифода қарор хоҳад гирифт.
Ёдовар мешавем, ки ҳамкории Тоҷикистон бо Созмони амният ва ҳамкорӣ дар Аврупо (САҲА) соли 1994 оғоз ёфт. Намояндагии САҲА дар Тоҷикистон 17 феврали соли 1994 ифтитоҳ гардид. Қарор оид ба таъсиси Миссияи САҲА дар Тоҷикистон ҳанӯз 1 декабри соли 1993 зимни вохӯрии Шӯрои вазирони корҳои хориҷии САҲА дар Рим қабул гардида буд.
Тибқи қарори Шӯрои доимии САҲА аз 19 июни соли 2008, Маркази САҲА ба Дафтари САҲА дар Тоҷикистон тағйири ном кард. 1 июни соли 2017 Шӯрои доимии САҲА қарорро таҳти №1251 бо иттифоқи оро аз ҷониби кишварҳои иштирокчии Созмон барои мандати нави Дафтар қабул намуд. Тибқи он Дафтари САҲА дар Тоҷикистон ба Дафтари барномаҳои САҲА дар Душанбе табдил ёфт.
АКС: Агентии назорати маводи нашъаовар
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
Даъвати тирамоҳии шаҳрвандони солҳои таваллуди 1999-2008 ба хизмати ҳарбӣ аз моҳи октябр оғоз мегардад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
