Варзишгари тоҷик Илдар Аҳмадиев дар Остона сазовори медали биринҷӣ шуд

Декабрь 19, 2022 10:10

ДУШАНБЕ, 19.12.2022 /АМИТ «Ховар»/. Варзишгари тоҷик Илдар Аҳмадиев 17 декабр дар шаҳри Остонаи Қазоқистон дар аввалин Мусобиқаи байналмилалӣ оид ба варзиши сабук ба хотираи Амин Туяков сазовори медали биринҷӣ гардид. Дар ин бора ба АМИТ «Ховар» дар Кумиати миллии олимпии Тоҷикистон хабар доданд.

Варзишгари тоҷик Илдар Аҳмадиев дар ду мусобиқа иштирок карда, дар дав ба масофаи 60 метр бо натиҷаи 6.89 сония ҷои сеюмро гирифт. Ду ҷои аввалро дар ин масофа варзишгарони Ҳонг Конг – Ҳонг Кит Ли (6.77) ва Кам Чинг Шак (6.75) сазовор шуданд. Дар ҷаҳиш ба дарозӣ бошад, Илдар ҷои нуҳумро ишғол кард.

Ба барномаи мусобиқа 15 сабқати варзиши сабук миёни мардҳо ва занон ворид гардида буд. Ҳамчунин дар доираи мусобиқа дав миёни устодон дар масофаи 800 метр ва сабқат миёни кӯдакон дар масофаи 60 метр ва эстафетаи омехтаи 4х200 метр доир шуд.

Дар аввалин мусобиқаи байналмилалӣ барои ҷоизаҳои Амин Туяков варзишгарон аз Ҳонг Конг, Қирғизистон, Тоҷикистон, Украина ва Қазоқистон ширкат карданд.

Ғолибону ҷоизадорон дар баробари медалу диплом бо ҷоизапулӣ қадрдонӣ шуданд – ҷои аввал 100 000 танга, ҷои дуюм 50 000 ва ҷои сеюм 30 000 танга.

Хотиррасон мешавем, ки Амин Елемисович Туяков варзишгари Иттиҳоди Шӯравӣ дар масофаҳои кӯтоҳи дав — ғолиб ва ҷоизадори Чемпионати ИҶШС, рекордгузори ИҶШС, ғолиби Ҷоми Аврупо ва ҷоизадори Чемпионати Аврупо мебошад.

АКС: КМО Тоҷикистон

Декабрь 19, 2022 10:10

Хабарҳои дигари ин бахш

ҶУДО. Чемпионати ҷаҳон-2024 дар Абузабӣ баргузор мешавад
ҶОМИ ОСИЁ-2024. Дастаи мунтахаби олимпии Тоҷикистон (U-23) оид ба футбол бо дастаҳои Арабистони Саудӣ, Ироқ ва Тайиланд бозӣ менамояд
Дар Душанбе мусобиқаи байналмилалии Гран – Слам оид ба гӯштини ҷудо баргузор мегардад
Дар Данғара мусобиқаи кушоди анъанавии ҷумҳуриявӣ оид ба гӯштини миллӣ баргузор мегардад
ФУТБОЛ. Дастаи олимпии Тоҷикистон (U-23) рӯзи сеюми тамринҳоро дар Давҳа ба анҷом расонид
ҶОМИ ОСИЁ-2024. Дар Федератсияи футболи Тоҷикистон вохӯрӣ доир гардид
ФУТБОЛ. Бозиҳои даври аввали Чемпионати Тоҷикистон 2024 байни дастаҳои Лигаи олӣ оғоз мешаванд
ФУТБОЛ. «Истиқлол» дар бозии дӯстона дастаи «Регар-ТадАЗ»-ро мағлуб намуд
Сомон Турсунзода дар Мусобиқаи байналмилалӣ оид ба ҷудо дар Узбекистон соҳиби медали тилло гардид
Паҳлавонони тоҷик дар мусобиқаи «Antalya Grand Slam 2024» ду медал ба даст оварданд
ФУТБОЛ. Чаҳор довар аз Тоҷикистон дар қисми финалии Ҷоми Осиё-2024 (U-23) ҳакамӣ менамоянд
Волейболбозони дастаи мунтахаби ноҳияи Шуғнон соҳиби Ҷоми Раиси вилоят шуданд