ҲАДАФ-ҲИФЗИ ПАРАНДАГОНУ ҲАЙВОНОТ АЗ САРМО. Дар Муъминобод корҳои биотехникӣ гузаронида шуданд
МУЪМИНОБОД, 22.01.2023 /АМИТ «Ховар»/. Ба хотири пешгирӣ аз нестшавии парандагону ҳайвонҳои кӯҳӣ аз тарафи кормандони Муассисаи хоҷагии ҷангали ноҳияи Муъминобод дар мавзеъҳои мушкилгузар ва сукунати ҳайвоноти ваҳшӣ пайваста корҳои биотехникӣ амалӣ карда мешаванд. Масъулини соҳа аз оғози сардиҳои мавсими имсола аллакай маротибаи сеюм аст, ки дар доманакӯҳҳои ноҳияи Муъминобод, махсусан дар мавзеи Чилдухтарон чунин тадбирҳоро роҳандозӣ менамоянд, хабар медиҳад мухбири минтақавии АМИТ «Ховар» Сулаймон ХОЛЗОДА.
Бо мақсади аз мавсими сармо бе талафу мушкили баровардани ҳайвоноти ваҳшӣ ва парандагон кормандони зерсохторҳои Агентии хоҷагии ҷангали назди Ҳукумати Ҷумҳурии Тоҷикистон ҳамасола чорабиниҳои биотехникӣ гузаронида, барои ҳайвоноту парандагон миқдори зарурии хошок, рези гандум, ҷав, шолӣ ва дигар намуди хӯроки чорворо дар ҷойҳои муайянгардида мегузоранд.
Чунин корҳои дастҷамъӣ аз рӯзҳои аввали зимистон дар доманакӯҳҳои ноҳияи Муъминобод ва атрофи он аз ҷониби Муассисаи хоҷагии ҷангали ноҳия ташкил карда шуд. Ин тадбирҳои таъсиррасон бевосита дар маконҳои ҳайвоноти ваҳшӣ ва мавзеи сукунати онҳо амалӣ карда мешаванд. Дар ин раванд танзими саршумор ва таркиби намуди ҷонвароне, ки дар чунин шароит зиндагӣ менамоянд, амалӣ гардида, то охири сардиҳои замистон ҷиҳати ба шароити табиӣ мутобиқ кунонидану сермаҳсулгардонии ҳайвоноти ваҳшӣ корҳои мазкур ба роҳ монда мешаванд.
Корманди хоҷагии ҷангали ноҳия Абдулазиз Абдуллоев гуфт, ки «мо барои талаф наёфтани парандагон ва ҳайвонҳои ваҳшӣ дар фасли зимистон корҳои биотехникӣ гузаронида, дар доманакӯҳҳо беда, ҷав, гандум ва дигар намуди хӯрокҳое, ки ҳайвонҳо истифода мебаранд, мегузорем, чунки зимистони имсола нисбат ба дигар солҳо сардтар аст. Имсол дар баландкӯҳҳои ноҳия аз 25 то 30 дараҷа хунукӣ ба қайд гирифта шудааст».
Бино ба иттилои масъулини соҳа, то ба имрӯз дар мавзеъҳои мушкилгузар ва сукунати ҳайвоноти ваҳшию парандагон чунин корҳои биотехникӣ ва аз сардиҳо баровардани ҷонварон бомаром идома дошта, аз ин рӯ миқдори зарурии хӯрокӣ дастрас ва захира карда шудааст.
АКС: АМИТ «Ховар»
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
