Ҳамкории табибони Тоҷикистон ва Эрон дар самти истеҳсоли дорусозӣ ва молҳои тиббӣ густариш меёбад
ДУШАНБЕ, 24.01.2023 /АМИТ «Ховар»/. Намояндагони 5 ширкати дорусозии Тоҷикистон бо мақсади омӯзиши таҷрибаи дорусозӣ ба Ҷумҳурии Исломии Эрон сафар намуданд. Дар ин бора ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Ҳадафи асосии сафари намояндагони Тоҷикистон- ин пеш аз ҳама, шиносоӣ пайдо намудан бо истеҳсолкунандагони маводи доруворӣ ва молҳои тиббии Эрон, боздид аз майдончаҳои истеҳсоли онҳо, густариш ва тақвияти ҳамкории иқтисодиву тиҷоратии ду мамлакат, дар ин замина афзоиши гардиши молу маҳсулот миёни ду давлат ва таъсиси корхонаҳои муштарак мебошад.
Дар доираи сафар миёни Тоҷикистон ва Эрон ёддошти тафоҳуми ҳамкорӣ дар соҳаи дорусозӣ ба имзо расонида шуд.
Ҳамкории табибони Тоҷикистон ва Эрон дар соҳаи тандурустӣ ва ҳифзи иҷтимоии аҳолӣ рӯз то рӯз густариш меёбад. Дар назар аст, ки ҳамкорӣ дар бахши дорусозӣ ва таҷҳизоти тиббӣ низ идома пайдо кунад.
Бояд тазаккур дод, ки Президенти Ҷумҳурии Тоҷикистон дар Паёми худ ба Маҷлиси Олии Ҷумҳурии Тоҷикистон рушди саноати дорусозиро аз ҷумлаи масъалаҳои муҳимтарин унвон карданд.
«Бо мақсади рушди минбаъдаи саноати дорусозӣ ба вазоратҳои саноат ва технологияҳои нав, тандурустӣ ва ҳифзи иҷтимоии аҳолӣ зарур аст, ки якҷо бо дигар сохтору мақомот ва бо ҷалби сармояи мустақим таъсис додан ва ба кор андохтани корхонаҳои муосири истеҳсоли доруворӣ, коркарди васеи гиёҳҳои шифобахш ва аз лиҳози экологӣ тозаи ватанӣ ва боз ҳам зиёд намудани ҳаҷми истеҳсоли маҳсулоти дорувориро таъмин намоянд», — дастур доданд Сарвари давлат зимни ироаи Паём.
Дар Тоҷикистон соли 2022 дар 55 корхонаи дорусозӣ 540 номгӯй доруворӣ истеҳсол гардидааст, ки нисбат ба соли 2021 се баробар зиёд мебошад.
АКС аз манбаъҳои боз
«Паём — ҳуҷҷати раҳнамо дар фаъолияти минбаъдаи ҳар як сокини Тоҷикистон»,- бардошт аз вохӯрӣ бо сокинони ноҳияи Абдураҳмони Ҷомӣ
Дар Душанбе масъалаи татбиқи Саҳмҳои Муайяншудаи Миллӣ ва таҳияи нақшаи маблағгузории иқлим дар Тоҷикистон баррасӣ карда шуд
Дар ҷаласаи Шӯрои ҷамъиятӣ Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Истеъмоли аз ҳад зиёди равғани зард боиси дилбеҳузурии 48 нафар сокинони ноҳияи Шамсиддини Шоҳин шуд
ВАҲШОНИЯТИ ТОЛИБОН*. Низоме, ки зан-модарро таҳқир мекунад ва бо рафтори ҷоҳилонааш тамаддуни башариро аз байн мебарад, мубтало ба фаност
Хадамоти алоқаи Тоҷикистон барои беҳтар намудани сифати хизматрасонии алоқаи мобилӣ ва интернет тадбир меандешад
Ваколатдор оид ба ҳуқуқи инсон ҳодисаҳои фоҷиабори зери ях мондани ноболиғонро аз беназоратии волидон медонад
ПЕШГӮИИ АГЕНТИИ ОБУҲАВОШИНОСӢ: Дар Тоҷикистон рӯзҳои охири моҳи январ ҳавои тағйирёбандаи бебориш мешавад
ТАЪМИНИ АМНИЯТИ МАФКУРАВӢ-АСОСИ СУБОТИ ҶОМЕА. Андешаҳои узви КМИР Махфират Хидирзода дар ҳошияи Паёми Президенти Тоҷикистон ба Маҷлиси Олии Ҷумҳурии Тоҷикистон
Дар Тоҷикистон Озмуни ҷумҳуриявии мақолаи беҳтарин оид ба ҳифзи пиряхҳо баргузор карда мешавад
«СОЛИ 2023-СОЛИ ҲИФЗИ МЕҲНАТ». 25 январ дар Тоҷикистон Рӯзи кормандони соҳаи меҳнат ва ҳифзи иҷтимоии аҳолӣ таҷлил карда мешавад
Дар натиҷаи сангрезӣ дар Рӯшон се манзили истиқоматии сокинон хароб гардидааст
