БОЗИҲОИ ОЛИМПӢ-2024. Рақибони мунтахаби занонаи Тоҷикистон дар даври аввали мусобиқоти интихобии муайян шуданд
ДУШАНБЕ, 12.01.2023 /АМИТ «Ховар»/. Тибқи натиҷаи қуръакашии даври аввали мусобиқаи интихобии Бозиҳои олимпӣ-2024 оид ба футболи бонувон, мунтахаби Тоҷикистон дар гурӯҳи «Е» қарор гирифта, бо дастаҳои Филиппин, Гонконг ва Покистон бозӣ хоҳад кард. Дар ин бора ба АМИТ «Ховар» дар Федератсияи футболи Тоҷикистон хабар доданд.
Дар даври аввали марҳилаи интихобии Бозиҳои олимпии соли 2024 26 дастаи занона ба ҳафт гурӯҳ тақсим мешаванд: панҷ гурӯҳ иборат аз чаҳор даста ва ду гурӯҳ иборат аз се даста. Бозиҳои даври аввал аз 3 то 11 апрел баргузор мешаванд.
Ғолибони ҳафт гурӯҳ ба даври дуюми интихобӣ роҳ меёбанд, ки онҷо панҷ дастаи беҳтарин дар Осиё – Кореяи Шимолӣ, Ҷопон, Австралия, Чин ва Кореяи Ҷанубӣ ба рақобат ҳамроҳ мешаванд.
Чаҳор дастаи беҳтарини даври дуюми интихобӣ (се ғолиби гурӯҳ ва беҳтарин дастае, ки ҷойи дуюмро ишғол кардааст) дар даври сеюми интихобӣ бо ҳам вомехӯранд. Дар даври ниҳоӣ дастаҳо ба ду ҷуфт тақсим шуда, ду бозигӣ – дар хона ва дар меҳмонӣ баргузор мекунанд. Ғолибони ҷуфтҳо ҳаққи ширкат дар Олимпиадаи Парижро ба даст меоранд.
Натиҷаи қуръакашии даври аввали марҳилаи интихобии Бозиҳои олимпӣ-2024:
Гурӯҳи «А»: Узбекистон, Урдун, Тимори Шарқӣ, Бутан.
Гурӯҳи «В»: Мянмар, Эрон, Бангладеш, Малдив.
Гурӯҳи «С»: Ветнам, Непал, Фаластин, Афғонистон.
Гурӯҳи «D»: Тайланд, Муғулистон, Сингапур, Шри-Ланка.
Гурӯҳи «Е»: Филиппин, Гонконг, ТОҶИКИСТОН, Покистон.
Гурӯҳи «F»: Тайбейи Чин, Индонезия, Лубнон.
Гурӯҳи «G»: Ҳиндустон, Қирғизистон, Туркманистон.
Акс: ФФТ
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
