ЧЕМПИОНАТ ОИД БА ГӮШТИН БАЙНИ КАЛОНСОЛОН. Ғолибони он ба дастаи миллии Тоҷикистон шомил мешаванд

Январь 30, 2023 15:02

ДУШАНБЕ, 30.01.2023. /АМИТ «Ховар»/. 28-29 январ дар Қасри теннис ва маҷмааи варзиши обии шаҳри Душанбе Чемпионати Ҷумҳурии Тоҷикистон- 2023 оид ба намуди гӯштин (тарзи озод ва юнонӣ — румӣ) байни калонсолон баргузор гардид. Ғолибон ва беҳтарин гӯштингирони ин чемпионат имкони шомил шудан ба дастаи миллии Тоҷикистонро пайдо карданд, хабар медиҳад шореҳи варзиши АМИТ «Ховар».

Чемпионати мазкур аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи гӯштини Тоҷикистон ташкил гардида, дар доираи «Тақвими ягонаи чорабиниҳои оммавию варзишӣ ва солимгардонӣ» дар сатҳи баланд доир шуд.

Дар маросими ифтитоҳи он роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи гӯштини Тоҷикистон сухан гуфтанд.

Чемпионати Ҷумҳурии Тоҷикистонро барандаи медали нуқраи Бозиҳои олимпии соли 2008 оид ба гӯштини тарзи озод дар ҳайати дастаи мунтахаби Тоҷикистон, собиқ мураббии дастаҳои мунтахаби Лаҳистон ва Маҷористон Юсуф Абдусаломов роҳбарӣ намуд.

Хотиррасон мешавем, ки Чемпионати Ҷумҳурии Тоҷикистон оид ба гӯштин (тарзи озод ва юнонӣ-румӣ) дар сатҳи баланди ташкилӣ ва тибқи қоидаҳои Федератсияи ҷаҳонии гӯштин сурат гирифт. Нафароне, ки дар он унвони чемпионӣ ба даст оварданд, моҳи март Тоҷикистонро дар Чемпионати Осиё, ки дар шаҳри Деҳлии Ҳиндустон баргузор карда мешавад, муаррифӣ мекунанд.

Ҳамзамон дар Чемпионати Ҷумҳурии Тоҷикистон ду легионери доғистонитабор- Абдулмаҷид Кудиев дар вазни 65 кило ва Магамет Евлоев дар вазни 74 кило иштирок намуда, унвони чемпиониро соҳиб шуданд. Онҳо аз ин пас зери Парчами Ҷумҳурии Тоҷикистон ҳунарнамоӣ мекунанд.

Дар охири рӯз ғолибон аз рӯи 10 категорияи вазнӣ ба таври зайл маълум гардиданд:

Дар вазни то 57кг

Ҳикматулло Воҳидов (Душанбе) – ҷойи якум
Сунатулло Бобоев (Душанбе) – ҷойи дуюм
Қаюмҷон Ҳалимов (Душанбе) – ҷойи сеюм
Ҳусейн Маликов (Душанбе) – ҷойи сеюм

Дар вазни то 61кг

Муҳаммад Икромов (Душанбе) – ҷойи якум
Муҳаммад Наимов (Душанбе) – ҷойи дуюм
Фаррух Зоиров (Хатлон) – ҷойи сеюм
Рустам Ибрагимов (Суғд) – ҷойи сеюм

Дар вазни то 65кг

Абдулмаҷид Кудиев (Душанбе) – ҷойи якум
Фотеҳҷон Олимов (Суғд) – ҷойи дуюм
Ҷамшед Шарифов (Душанбе) – ҷойи сеюм
Аҳрор Ёрмуҳаммадов (Душанбе) – ҷойи сеюм

Дар вазни то 70кг

Мустафо Аҳмедов (Душанбе) – ҷойи якум
Комрон Холов (Душанбе) – ҷойи дуюм
Муборак Қурбонбеков (ВМКБ) – ҷойи сеюм
Саидалӣ Холов (Душанбе) – ҷойи сеюм

Дар вазни то 74кг

Магамет Евлоев (Душанбе) – ҷойи якум
Мадасан Ашрофхонов (Душанбе) – ҷойи дуюм
Масъуд Давронов (Душанбе) – ҷойи сеюм
Мусо Эмомов (Душанбе) – ҷойи сеюм

Дар вазни то 79кг

Сомонҷон Икромов (Душанбе) – ҷойи якум
Муҳаммадалӣ Абдуллоев (Душанбе) – ҷойи дуюм
Асрор Мирхоҷаев (Душанбе) – ҷойи сеюм
Пулодҷон Бурҳонов (Суғд) – ҷойи сеюм

Дар вазни то 86кг

Салимҷон Ҳалимзода (Душанбе) – ҷойи якум
Абдубашир Бобохонов (Душанбе) – ҷойи дуюм
Шерзод Музафаров (Душанбе) – ҷойи сеюм
Шуҳрат Бозоров (Душанбе) – ҷойи сеюм

Дар вазни то 92кг

Маҳмадҷон Ализода (Суғд) – ҷойи якум
Беҳрӯз Одинаев (Душанбе) – ҷойи дуюм
Тутиё Карамхудоев (ВМКБ) – ҷойи сеюм
Наврӯз Назиров (ВМКБ) – ҷойи сеюм

Дар вазни то 97кг

Раҳмон Маҳмадбеков (Душанбе) – ҷойи якум
Мақсад Мансуров (Суғд) – ҷойи дуюм
Амирҷон Сангов (Душанбе) – ҷойи сеюм
Сафар Маҳмадалиев (Хатлон) – ҷойи сеюм

Дар вазни то 125кг

Фарҳод Азизқулов (Душанбе) – ҷойи якум
Файзӣ Файззода (Душанбе) – ҷойи дуюм
Илҳомхуҷа Мирзохуҷаев (Хатлон) – ҷойи сеюм
Комрон Маҳмадалиев (Душанбе) – ҷойи сеюм

АКС аз манбаъҳои боз

Январь 30, 2023 15:02

Хабарҳои дигари ин бахш

Паҳлавони тоҷик Кароматулло Ҳакимов дар нахустин Чемпионати ҷаҳон оид ба Гӯштингирӣ медали тилло ба даст овард
Дастаи мунтахаби Тоҷикистон оид ба футзал бо дастаҳои Испания ва Нидерландия бозии дӯстона доир мекунад
Варзишгари тоҷик Ҳақназар Назаров дар нахустин Чемпионати ҷаҳон оид ба Гӯштингирӣ медали тилло ба даст овард
ФУТБОЛ. Ҳайати дастаи мунтахаби Тоҷикистон барои иштирок дар мусобиқаи Ҷоми Мердека-2024 муайян гардид
Эмомалӣ Раҳмон: «Барои дар сатҳи баланд доир кардани мусобиқаҳои милливу ҷаҳонӣ оид ба гӯштингирӣ талош хоҳем кард»
Пешвои миллат: «Баргузории Чемпионати ҷаҳон оид ба гӯштингирӣ Душанберо чун шаҳри сулҳу дӯстӣ муаррифӣ менамояд»
Варзишгари тоҷик Шакармамад Мирмамадов дар нахустин Чемпионати ҷаҳон оид ба гӯштингирӣ медали тилло ба даст овард
Шоҳида Қаландарова барандаи медали нуқраи Чемпионати ҷаҳон оид ба гӯштингирӣ шуд
Варзишгари тоҷик Масъуди Аҳмадзод медали тиллои нахустин Чемпионати ҷаҳон оид ба гӯштингириро ба даст овард
Президенти Тоҷикистон: «Гӯштингирӣ намуди суннатии варзиши мардуми тоҷик буда, таърихи беш аз панҷҳазорсола дорад»
Паҳлавони тоҷик Муллораҷаб Халифаев соҳиби медали тиллои Чемпионати ҷаҳон оид ба гӯштингирӣ гардид
4 варзишгари тоҷик барои медали тиллои нахустин Чемпионати ҷаҳон оид ба гӯштингирӣ дар Душанбе рақобат мекунанд