Дар Шаҳринав вобаста ба пешгирии шомилшавии ҷавонон ба гурӯҳҳои ифротӣ ҳамоиш доир карда шуд
ШАҲРИНАВ, 29.01.2023 /АМИТ «Ховар»/. Тарғибгарони ғояҳои ифротгароии иттилоотӣ бо истифода аз технологияҳо ё абзори мухталифи ҷолиб ба тадриҷ мағзи ҷавононро ҷалб ва идора карда, дар қатори маводи пешакии ҷолиб ё ҷаззоб ғояҳои ифротгароиро ба ҷавонон талқин менамоянд. Аз ин рӯ, ҷавонон ва падару модарони онҳо, ҳар аъзои солимфикри ҷомеаро зарур аст, ки аз дастовардҳои замони муосир самаранок истифода бурда, фарзандон ва насли ҷавонро таҳти назорати қатъӣ қарор диҳанд. Ин матлаб зимни ҳамоиш таҳти унвони «Пешгирии ҳаракатҳои ифротгароӣ», ки Мақомоти иҷроияи ҳокимияти давлатии ноҳияи Шаҳринав дар ҳамкорӣ бо Кумитаи кор бо занон ва оилаи назди Ҳукумати Ҷумҳурии Тоҷикистон ва ташкилоти ҷамъиятии «Ҷавонони пешсаф» ташкил намуд, баён гардид.
Тавре ба хабарнигори минтақавии АМИТ «Ховар» Субҳониддини МАҲМУД дар Мақомоти иҷроияи ҳокимияти давлатии ноҳияи Шаҳринав иттилоъ доданд, дар ҳамоиш таъкид гардид, ки ба фарқ аз амалҳои террористии ошкоро ифротгароии иттилоотӣ ба таври ноаён таъсир мерасонад ва муайян кардани манбаи он номумкин аст. Бинобар ин, аксарияти ҷавононе, ки ба Интернет ва шабакаҳои гуногуни иҷтимоӣ алоқамандӣ доранд, бо сабаби ноогоҳии сиёсӣ ба доми субъектҳои ифротгарои иттилоотӣ афтиданашонро нафаҳмида мемонанд.
Дар ҷамъомад ҳамчунин доир ба тақвият бахшидани донишҳои сиёсиву ҳуқуқии кормандони соҳаҳои касбу кори гуногуни ноҳия, пешгирии шомилшавии ҷавонон ба гурӯҳҳои ифротӣ, тартиби истифодаи дурусти сомонаҳои интернетӣ ба воситаи телефонҳои мобилӣ, шарҳи Қонуни Ҷумҳурии Тоҷикистон «Дар бораи мубориза бар зидди терроризм» ва «Стратегияи муқовимат бар зидди терроризм ва экстремизм дар Ҷумҳурии Тоҷикистон барои солҳои 2021-2025» аз ҷониби намояндагони сохторҳои ҳифзи ҳуқуқ сухан гуфта шуда, дар ин самт тавсияҳои судманд пешниҳод гардиданд.
Ёдовар мешавем, ки ҳамоиши мазкур дар доираи «Стратегияи муқовимат бар зидди терроризм ва экстремизм дар Ҷумҳурии Тоҷикистон барои солҳои 2021-2025» роҳандозӣ гардид.
АКС: Мақомоти иҷроияи ҳокимияти давлатии ноҳияи Шаҳринав
Дар Ёвон бахшида ба 31-солагии таъсиси Ҳизби Халқии Демократии Тоҷикистон ҳамоиши тантанавӣ доир шуд
Имрӯз дар ноҳияҳои алоҳидаи кӯҳии Тоҷикистон бориши борон ва барф дар назар аст
Ҳизби Халқии Демократии Тоҷикистон-пояи устувори мафкураи сиёсӣ дар роҳи ташаккули давлатдории миллӣ
Дар Шаҳринав бо сокинон ва соҳибкорон оид ба истифодаи самараноки неруи барқ вохӯрӣ доир шуд
Имрӯз дар баъзе ноҳияҳои Тоҷикистон туман мефарояд
Дар Душанбе бахшида ба Рӯзи ҳуқуқи инсон ҳамоиш баргузор мегардад
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
Комрон Кенҷаев: «Мо шабакаро дар тамоми ҳудуди Хатлон бунёд карда, муосир мегардонем»
Доир ба нақши Ҳизби Халқии Демократии Тоҷикистон дар таъмини пешрафт ва зиндагии шоистаи мардум конференсия баргузор шуд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Ба муносибати Рӯзи байналмилалии мубориза бар зидди коррупсия дар Файзобод конференсияи илмӣ доир гардид
Сафири Тоҷикистон бо муовини вазири корҳои хориҷии Арабистони Саудӣ мулоқот намуд
