Дар вилояти Хатлон бурсҳои ройгони ронандагӣ барои даъватшавандаҳо роҳандозӣ гардид
ДУШАНБЕ, 10.01.2023. /АМИТ «Ховар»/. Дар вилояти Хатлон бурсҳои (курсҳои) кутоҳмуддати ронандагӣ бо мақсади ҷоннок намудани чорабиниҳои ҳарбию ватандӯстӣ ва мудофиавӣ, таъмини Қувваҳои Мусаллаҳи кишвар аз ҳисоби даъватшавандаҳо бо мутахассисони касбӣ роҳандозӣ гардид. Дар ин бор ба АМИТ «Ховар» дар шуъбаи иттилоотӣ ва таҳлилии дастгоҳи вилояти Хатлон хабар доданд.
Иттилоъ дода шуд, ки комиссариатҳои ҳарбии шаҳру ноҳияҳо интихоб ва пуррасозии сафи даъватшавандагонро дар бурсҳои кутоҳмуддати ронандагӣ барои Қувваҳои Мусаллаҳ дар сохторҳои Кумитаи вилоятии Ташкилоти ҷамъиятии мададгори мудофиаи Хатлон на камтар аз 30%-и нақшаи даъвати баҳории соли 2023 амалӣ менамоянд. Маблағгузории ин бурсҳо аз ҳисоби буҷетҳои маҳаллӣ таъмин карда мешавад.
Иқдоми мазкур бо қарори Раиси вилояти Хатлон «Дар бораи тайёр намудани мутахассисон барои Қувваҳои Мусаллаҳи Ҷумҳурии Тоҷикистон дар даъвати баҳории соли 2023» амалӣ карда мешавад. Тибқи ин қарор, ҳамчунин Раёсати Агентии меҳнат ва шуғли аҳолӣ дар вилоят, раисони шаҳру ноҳияҳо вазифадор гардидаанд, ки барои на камтар аз 5%-и шумораи умумии даъватшавандагон ба хизмати аскарӣ бояд бурсҳои кутоҳмуддати ошпаз, тракторчӣ, барқчӣ, кафшергар ва дигар ихтисосҳои барои Қувваҳои Мусаллаҳ зарурро гузаранд.
Шаҳлои САДРИДДИН,
АМИТ «Ховар»
АКС аз бойгонии АМИТ «Ховар»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
