ДАСТУРИ ПРЕЗИДЕНТИ ТОҶИКИСТОН. Дар мамлакат Стандарти байналмилалии таҳсилоти олии касбӣ ба роҳ монда мешавад
ДУШАНБЕ, 20.01.2023. /АМИТ «Ховар»/. Дар Тоҷикистон Стандарти байналмилалии таҳсилоти олии касбӣ ба роҳ монда мешавад. Он бо мақсади ба талаботи замони муосир ва меъёрҳои сатҳи байналмилалӣ мутобиқ гардонидан сифати таҳсил дар муассисаҳои олии кишвар ба роҳ монда мешавад. Дар ин бора ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Гуфта шуд, ки барои таҳияи лоиҳаи стандарти мазкур санадҳои меъёрии ҳуқуқии дигар низ ба назар гирифта шуда, дар он таҷрибаи муассисаҳои таълимии кишварҳои хориҷӣ, аз ҷумла Федератсияи Россия ва Ҷумҳурии Қазоқистон омӯхта мешаванд.
Зимни баррасии лоиҳаи мазкур сардори Раёсати таҳсилоти олии касбӣ ва баъдидипломӣ Наврӯз Мирзозода ва кормандони Раёсати таҳсилоти олии касбӣ ва баъдидипломӣ, Донишгоҳи байналмилалии сайёҳӣ ва соҳибкории Тоҷикистон ва Донишгоҳи байналмилалии забонҳои хориҷии Тоҷикистон ба номи Сотим Улуғзода ширкат варзиданд.
Иштирокдорон ҳамзамон аз таҷрибаи муассисаҳои таълимии байналмилалии кишварҳои пешрафта, ба монанди Австрия, Канада, Полша, Федератсияи Россия истифода карда, андешаҳои худро ҷиҳати таҳия ва такмили лоиҳаи Стандарти байналмилалии таҳсилоти олии касбӣ иброз доштанд.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон зимни ифтитоҳи биноҳои нави таълимии Донишкадаи давлатии забонҳои Тоҷикистон ба номи Сотим Улуғзода 27 сентябри соли 2022 ба роҳбарони донишгоҳу донишкадаҳои мамлакат дастур доданд, ки дар самти ба талабот ва стандартҳои байналмилалӣ мутобиқ гардонидани сифати таълим ва сатҳи дониши донишҷӯён тадбирҳои доимӣ ва муассир андешанд.
Ҳамзамон Пешвои миллат таъкид намуданд, ки барои расидан ба ҳадафи байналмилалӣ ҷавонон, пеш аз ҳама, ба омӯзиши забонҳо машғул гарданд. «Зарурат ва аҳамияти донистани якчанд забон имрӯз қишрҳои гуногуни ҷомеа, махсусан наврасону ҷавонон ва кормандони сохтору мақомоти давлатиро вазифадор месозад, ки бо дарназардошти талаботи замони муосир барои рушди шахсият ва дастрасии ҳар фард ба иттилооти ҷаҳонӣ ҳатман ба омӯзиши забонҳои хориҷӣ машғул шаванд» -иброз доштанд Сарвари давлат.
Зарангези ЛАТИФ,
АМИТ «Ховар»
АКС: Маркази матбуоти Вазорати маориф ва илм
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
