РАМЗИ УМЕДВОРӢ. Федератсияи дзюдои Тоҷикистон нишони нави худро пешниҳод кард
ДУШАНБЕ, 30.01.2023 /АМИТ «Ховар»/. 26 январ Федератсияи дзюдои Тоҷикистон нишони (логотипи) нави худро пешниҳод кард. Гирдогирди нишон бо хатти заррин оро дода шудааст. Ин рамзи умедворист, то дзюдочиёни тоҷик дар оянда дар мусобиқаҳои байналмилалӣ медалҳои тилло ба даст оранд, хабар доданд ба АМИТ «Ховар» дар Федератсияи дзюдои Тоҷикистон.
Тавре иттилооъ дода шуд, дохили нишон бо ранги кабуд оро ёфтааст. Ранги кабуд аз дидгоҳи равоншиносӣ маънои устувориро дошта, дар таърих низ яке рангҳои хоси мардуми ориёитабор мебошад.
Қисмати болоии нишонро ҳафт ситора ба таври нимдоира оро медиҳанд. Дар фарҳанги анъанавии тоҷик рақами «ҳафт» рамзи муваффақият, мукаммалӣ ва таҷассуми хушбахтӣ ва накӯкорист.
Тибқи эътиқоди бостонии тоҷикон, «Ҳафт ахтар», «Ҳафт бурҷ» -и роҳи муваффақият, ҳафт минтақаи таърихӣ ва фарҳангию варзишии Тоҷикистони муосирро нишон медиҳанд.
Мобайни нишон бо нақшу нигори тоҷикӣ оро ёфтааст, ки таҷассумгари анъанаҳои миллӣ ва таърихист.
Муҳимтарин ва намоёнтарин унсури нишон- ин қувваозмоии ду паҳлавон аст, ки баёнгари варзишҳои паҳлавонӣ, бахусус дзюдо мебошад. Ҳамчунин баёнгари он аст, ки гӯштингирӣ яке аз суннатҳои қадимии мардуми тоҷик ва далели паҳлавонии он мебошад.
АКС: Федератсияи дюздои Тоҷикистон
ОҒОЗИ ЭҲЁИ ВАРЗИШИ СУННАТИИ МАРДУМИ ТОҶИК. Нахустин Чемпионати ҷаҳон оид ба гӯштингирӣ ба анҷом расид
Паҳлавони тоҷик Кароматулло Ҳакимов дар нахустин Чемпионати ҷаҳон оид ба Гӯштингирӣ медали тилло ба даст овард
Дастаи мунтахаби Тоҷикистон оид ба футзал бо дастаҳои Испания ва Нидерландия бозии дӯстона доир мекунад
Варзишгари тоҷик Ҳақназар Назаров дар нахустин Чемпионати ҷаҳон оид ба Гӯштингирӣ медали тилло ба даст овард
ФУТБОЛ. Ҳайати дастаи мунтахаби Тоҷикистон барои иштирок дар мусобиқаи Ҷоми Мердека-2024 муайян гардид
Эмомалӣ Раҳмон: «Барои дар сатҳи баланд доир кардани мусобиқаҳои милливу ҷаҳонӣ оид ба гӯштингирӣ талош хоҳем кард»
Пешвои миллат: «Баргузории Чемпионати ҷаҳон оид ба гӯштингирӣ Душанберо чун шаҳри сулҳу дӯстӣ муаррифӣ менамояд»
Варзишгари тоҷик Шакармамад Мирмамадов дар нахустин Чемпионати ҷаҳон оид ба гӯштингирӣ медали тилло ба даст овард
Шоҳида Қаландарова барандаи медали нуқраи Чемпионати ҷаҳон оид ба гӯштингирӣ шуд
Варзишгари тоҷик Масъуди Аҳмадзод медали тиллои нахустин Чемпионати ҷаҳон оид ба гӯштингириро ба даст овард
Президенти Тоҷикистон: «Гӯштингирӣ намуди суннатии варзиши мардуми тоҷик буда, таърихи беш аз панҷҳазорсола дорад»
Паҳлавони тоҷик Муллораҷаб Халифаев соҳиби медали тиллои Чемпионати ҷаҳон оид ба гӯштингирӣ гардид
