ТАВЗЕҲИ ПАЁМИ ПЕШВОИ МИЛЛАТ. Вакилон сокинони Тоҷикистонро ба саҳмгузорӣ дар ободиву пешрафти ҷомеа даъват намуданд
ДУШАНБЕ, 04.01.2023 /АМИТ «Ховар»/. Вакилони Маҷлиси намояндагони Маҷлиси Олии мамлакат муҳтавои Паёми Президенти кишвар муҳтарам Эмомалӣ Раҳмонро ба фаъолони ноҳияи Исмоили Сомонии шаҳри Душанбе шарҳ доданд. Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.
Дар вохӯрӣ вакилони Маҷлиси намояндагон Саидҷаъфар Усмонзода ва Парвина Маликзод оид ба бандҳои Паём маълумоти муфассал дода, ҳозиринро ба иҷрои дастуру супоришҳои дар он ироагардида даъват намуданд.
Дар вохӯрӣ роҳбарияти мақомоти иҷроияи ҳокимияти давлатии ноҳия, мудирони шуъбаю бахшҳо, роҳбарони муассисаҳои таълимӣ, раисони маҳаллаҳо, имомхатибон ва дигар фаъолон иштирок доштанд.
Ҳамзамон дар толори маҷлисгоҳи НБО-и «Норак» вохӯрии вакили Маҷлиси намояндагон аз ҳавзаи якмандатаи Данғара №36 Зулфиқор Гулаҳмадзода бо кормандони неругоҳи мазкур баргузор гардид.
Дар оғоз раиси Кумитаи иҷроияи ҲХДТ дар шаҳри Норак Шаҳло Ҳасанзода ба ҳозирин ҳадафи вохӯриро шарҳ дод. Баъдан Зулфиқор Гулаҳмадзода оид ба самтҳои асосӣ ва муҳиму афзалиятноки Паёми ироагардидаи Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар иброз намуд, ки «баъди 50 соли фаъолият агрегати якуми неругоҳи «Норак» пас аз таҷдид бо харҷи беш аз 800 миллион сомонӣ бо тавоноии 375 мегаватт моҳи октябри соли 2022 мавриди баҳрабардорӣ қарор дода шуд. Бо пурра ба анҷом расидани корҳои таҷдиду навсозӣ ва муҷаҳҳазгардонӣ бо таҷҳизоту технологияҳои муосир ба неругоҳи «Норак» умри дубора бахшида шуда, иқтидори кории он иловатан 775 мегаватт зиёд мегардад».
Дар баробари ин бояд гуфт, ки солҳои охир талафоти техникии барқ ба вазъи молиявии ширкату корхонаҳои соҳа таъсири манфӣ расонида истодааст.
Муовини раиси шаҳр Зуҳро Ҳакимзода ва Директори НБО-и «Норак» ба номи Турсун Улҷабоев Фазлиддин Шоиддинов нуктаҳои асосии Паёмро таҳлил намуда, сокинонро ба фаъолнокию саҳмгузорӣ дар ободию пешрафти ҷомеа даъват намуданд.
Акс: МН МО ҶТ
Оид ба эълон намудани «Даҳсолаи байналмилалии таҳкими сулҳ ба хотири наслҳои оянда» ҳамоиш доир гардид
Дар иҷлосияи навбатӣ ба якчанд қонун тағйиру иловаҳо ворид карда шуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати парлумони Тоҷикистон дар ҷаласаи Комиссияи доимии Ассамблеяи байнипарлумонии ИДМ иштирок намуд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон даъвати ҳафтум баргузор гардид
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор шуд
Давлатҳои ИДМ низоми назорати сифати хизматрасониҳои тиббӣ ва хайрияи хунро такмил медиҳанд
Пагоҳ иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Дар Душанбе стратегияи муосири пешгирии бемориҳои ғайрисироятиро баррасӣ намуданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Дар ҷаласаи кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология қонунҳои соҳавӣ баррасӣ гардиданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
