Агентии хоҷагии ҷангал: «Дар сардиҳои охир талафёбии аз меъёр зиёди ҳайвоноти ваҳшӣ ва парандагони нодир ба қайд гирифта нашудааст»
ДУШАНБЕ, 01.02.2023. /АМИТ «Ховар»/. Дар моҳи январи соли равон (аз 11 то 30 январ), ки ҳаво якбора сард шуду барфи зиёд борид, дар ҳудуди ташкилоту муассисаҳои давлатии хоҷагиҳои ҷангал ва шикоргоҳҳои зертобеи Агентии хоҷагии ҷангали назди Ҳукумати Ҷумҳурии Тоҷикистон ҳолати фавқулода рух надода, инчунин талафёбии аз меъёр зиёди ҳайвоноти ваҳшӣ ва парандагони нодир ба қайд гирифта нашудааст. Чунин иттилоъ дода шуд 31 январ дар нишасти матбуотии Агентии хоҷагии ҷангали назди Ҳукумати Ҷумҳурии Тоҷикистон оид ба ҷамъбасти соли 2022.
Масъулин дар шарҳи бештари ин мавзўъ илова карданд, ки бо мақсади ҳифзу нигоҳдории олами ҳайвонот ваҳшӣ ва парандагони ҷангал, пешгирии талафёбии онҳо дар давраи сардиҳои зимистон то моҳи январи соли 2022 зиёда аз 18657 кг рези гандум, 4261 кг ҷав, шолӣ ва дигар донагиҳо, 29642 кг хошок ва хӯрокҳои консентратӣ захира карда шуда, роҳу пайраҳаҳои ҳайвонгузар ба тартиб дароварда шуданд.
Агентӣ бо мақсади пешгирии талафёбии ҳайвоноти ваҳшӣ ва парандагони нодири дар ҳудуди ҷангалзорҳо ва хоҷагиҳои шикорӣ сукунатдошта дар сардиҳо ба ташкилоту муассисаҳои дахлдор барқияи фаврӣ ирсол карда, масъулини ситодҳои зимистонгузаронии шаҳру ноҳия ва вилоятҳо, роҳбарони сохторҳои марбутаро вазифадор намуданд, ки гузаронидани корҳои биотехникиро вусъат бахшида, сари вақт пошидани коҳ, рези гандум, ҷав, ҷуворӣ, намак ва дигар намудҳои хўроки дуруштро дар мавзеъҳои баландкўҳ таҳти назорати ҷиддӣ қарор диҳанд.
Рухсораи НУР,
АМИТ «Ховар»
АКС: АМИТ «Ховар»
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
Масоили соҳаи роҳсозӣ ва роҳдорӣ дар Осиёи Марказӣ дар Конфронси панҷуми байналмилалии CARS-2026 дар Душанбе баррасӣ гардид
Ҳайати Тоҷикистон дар ҷаласаи Шурои ҳамоҳангсозии роҳбарони мақомоти тафтиши андозии кишварҳои аъзои ИДМ иштирок намуд
«Shohin Airlines» як ҳавопаймои навъи L-410-ро вориди парки ҳавопаймоҳояш намуд
Дар Брест ҷаласаи 83-юми Шурои роҳбарони хадамоти гумруки давлатҳои ИДМ баргузор гардид
Форуми «CAPIF-5» дар Душанбе ба таҳкими пайвастагии рақамӣ ва рушди ҳамкории интернетии Осиёи Марказӣ бахшида шуд
Файзиддин Қаҳҳорзода ва Лорд Ҷон Алдердайс самтҳои афзалиятноки соҳаҳои идоракунии молияи давлатӣ ва рақамикунониро баррасӣ намуданд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
