Ҳайати департаменти ҳуқуқии Хазинаи байналмилалии асъор аз Тоҷикистон боздид кард

Февраль 13, 2023 14:42

ДУШАНБЕ, 13.02.2023 /АМИТ «Ховар»/. Сафари расмии ҳайати департаменти ҳуқуқии Хазинаи байналмилалии асъор ба Ҷумҳурии Тоҷикистон, ки аз 6 то 10 феврал идома дошт, анҷом ёфт. Дар Бонки миллии Тоҷикистон ба АМИТ «Ховар» иттилоъ додданд, ки ҳадафи сафари ҳайати департаменти ҳуқуқии Хазинаи байналмилалии асъор ба Тоҷикистон мукаммал намудани низоми қонунгузории ҷумҳурӣ дар самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом буд.

Дар доираи кумаки техникии Хазинаи байналмилалии асъор коршиносони байналмилалӣ якҷо бо мақомоти марбутаи ҷумҳурӣ ҷиҳати иҷрои бандҳои дахлдори Нақшаи Ҷумҳурии Тоҷикистон оид ба рафъи камбудиҳои мутобиқати техникӣ ва баланд бардоштани самаранокии низоми муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом кор бурда истодаанд. Бо дастгирии коршиносон лоиҳаи Қонуни Ҷумҳурии Тоҷикистон «Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом» дар таҳрири нав таҳия гардида, моҳи январи соли равон аз ҷониби вакилони палатаи поёнии Парлумони мамлакат қабул гардид.

Интизор меравад, ки баъди мавриди амал қарор гирифтани ин қонун тағйиру иловаҳо дар дигар санадҳои меъёрии ҳуқуқии Тоҷикистон ворид карда шаванд. Бо ин мақсад дар Бонки миллии Тоҷикистон коршиносони Хазинаи байналмилалии асъор бо иштироки намояндагони сохторҳои дахлдори бонк ва мақомоти марбутаи мамлакат, аз қабили вазоратҳои адлия, молия, корҳои хориҷӣ ва Кумитаи андози назди Ҳукумати ҷумҳурӣ вохӯриҳо анҷом доданд.

Дар ҷараёни вохӯриҳои коршиносони байналмилалӣ бо намояндагони вазорату идораҳои мамлакат дар баробари такмили қонунгузорӣ масъалаи пурзӯр намудани назорати самти муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дар ҷумҳурӣ, инчунин риояи талаботи тавсияҳои Гурӯҳи татбиқи чораҳои молиявӣ мавриди муҳокима қарор дода шуд.

Ҳамзамон бо ин дар доираи ин кумаки техникӣ баҳодиҳии хавфҳои қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм дар ташкилоти қарзии молиявӣ ва суғуртавии мамлакат амалӣ шуда истодааст. Барои муайян намудани хавфҳои қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм дар ин самт инчунин хавфҳои ошкоршуда дар ниҳодҳои зикршуда ва ё таҳдидҳои арзёбишудаи қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм якҷо бо намояндагони мақомоти назоратӣ ва ҳифзи ҳуқуқ баррасӣ карда шуданд.

АКС: Бонки миллии Тоҷикистон

Февраль 13, 2023 14:42

Хабарҳои дигари ин бахш

Байни «Саноатсодиротбонк» ва Фонди рушди соҳибкории Озарбойҷон Ёддошти тафоҳум оид ба ҳамдигарфаҳмӣ ба имзо расид
Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд
Дар доираи «Kazanforum 2024» байни Вазорати нақлиёти Тоҷикистон ва Вазорати нақлиёт ва хоҷагии роҳҳои Тотористон Ёддошти тафоҳум ба имзо расид
Корхонаи шаҳри Хоруғ қуттиҳои гуногуни оҳанин барои партов ва сутунҳои барқӣ истеҳсол менамояд
Дар ноҳияи Ҳамадонӣ беш аз 1 миллион сомонӣ қарзҳои андоз кам шуданд
Дар Шаҳринав 360 гектар замини корам бо оби полезӣ таъмин гардид
ШУМОРАИ ХОҶАГИҲОИ ТУХМИПАРВАРӢ ДАР ТОҶИКИСТОН БА 128 АДАД РАСИД. Аммо норасоии тухмии зироати кишоварзӣ то ба ҳол боқӣ аст
Дар ноҳияи Шаҳристон кишти картошка идома дорад
Дар шаҳри Гулистон 6 коргоҳу корхонаи нави саноатӣ ба истифода дода мешавад
Имсол кишоварзони Тоҷикистон дар зиёда аз 440 ҳазор гектар кишти баҳории зироат мегузаронанд
Дар шоҳроҳи Обигарм-Нуробод дарозтарин пул бунёд мешавад
Директори идории Хазинаи байналмилалии асъор Кристалина Георгиева бо ҷараёни корҳо дар Неругоҳи барқи обии «Роғун» шинос шуд