Беҳтаринҳои соли 2022 дар дар соҳаи кор бо ҷавонон ва варзиши шаҳри Душанбе қадрдонӣ карда шуданд

Февраль 4, 2023 10:36

ДУШАНБЕ, 04.02.2023 /АМИТ «Ховар»/. 3 феврал дар Донишгоҳи миллии Тоҷикистон  барномаи тантанавӣ ҷиҳати қадрдонии беҳтаринҳои соли 2022 дар соҳаи кор бо ҷавонон ва варзиши пойтахт доир гардид. Дар ин хусус АМИТ «Ховар» бо истинод ба шуъбаи иттилотии дастгоҳи Раиси шаҳри Душанбе хабар медиҳад.

Дар ҳамоиш масъулини соҳаи  кор бо ҷавонон ва варзиши шаҳри Душанбе,  сохторҳои ҳифзу ҳуқуқу тартибот, фарҳангу тандурустӣ, роҳбарони муассисаҳои оливу касбии таълимӣ ва  гирандагони стипендияи президентӣ дар соли таҳсили 2022-2023 иштирок намуданд.

Тазаккур дода шуд, ки маҳз дар заминаи ҳидоятҳои башардӯстонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ташаббусу иқдомҳои пайвастаи  Раиси шаҳри Душанбе муҳтарам Рустами Эмомалӣ сиёсати давлатии ҷавонон ба яке аз самтҳои муҳими стратегии мамлакат ва пойтахти он табдил ёфта, дар замони соҳибистиқлолии мамлакат ба қишри ҷавони ҷомеа дар марҳилаи бунёди давлати навини тоҷикон ҳамчун созандагони ояндаи Тоҷикистони соҳибистиқлол таваҷҷуҳ ва боварӣ карда мешавад.

Ин эътимоду боварӣ ва самимияти Пешвои миллат муҳтарам Эмомалӣ Раҳмон имрӯз самари дилхоҳ ба бор оварда, ҷавононро барои расидан ба қуллаи муроду мақсадҳои дар замирашон буда роҳнамоӣ месозад.

Дар идома барои ҳамкориву дастгириҳои судманд якчанд ташкилоту муассисаҳои шаҳриву ҷумҳуриявӣ ва ноҳиявӣ, инчунин роҳбарияти муассисаҳои оливу касбии таълимӣ барои амали намудани сиёсати давлатии ҷавонон ва рушду инкишофи соҳаи варзиш бо сипосномаҳо сарфароз гардонида шуданд.

Илова ба ин, барои фаъолияти пурсамар бахшҳои кор бо ҷавонон ва варзиш бо сипоснома сарфароз гардонида шуданд.

Ҳамзамон ғолибони озмунҳо барои фаъолияти пурсамари эҷодӣ дар самти илмҳои дақиқ, адабиёт, рўзноманигорӣ, санъат, меъморӣ, техникаву технология ва инноватсияву ихтироъкорӣ”  бо диплом ва сипосномаву туҳфаҳои хотиравӣ қадрдонӣ гардиданд.

Инчунин беҳтарин кормандони соҳаи кор бо ҷавонон ва варзиш  дар шаҳри Душанбе мутахассисони пешбари Раёсати кор бо ҷавонон ва варзиши шаҳри Душанбе Маҳмадулло Кароматулло ва Юсуф Ғаффорзода дониста шуданд.

Дар озмуни Муассисаи беҳтарин дар соли 2022 Муассисаи давлатии “Мактаби махсуси варзишии захираҳои олимпии №5 оид ба намудҳои бозиҳои варзишӣ”-и шаҳри Душанбе беҳтарин эътироф гардид. 

Ғолибони дигар:

Мураббии беҳтарин дар соли 2022- Фаррухрӯз Собиров

Варзишгари беҳтарин дар соли 2022- Эмомалии Нуралӣ

Клуби беҳтарин дар соли 2022- Клуби варзишии “Парвиз Собиров”

Федератсияи беҳтарин дар соли 2022- Федератсияи дзюдои Тоҷикистон

Наворбардори беҳтарин дар соли 2022- Темур Назаров

Рӯзноманигори беҳтарин дар соли 2022- Фаррухҷон Нозимзода

Шореҳи беҳтарин- Каримхон Бегматов

Футболбози беҳтарин дар соли 2022 Шерзод Раҷабов

Беҳтарин мураббии футбол дар соли 2022- Алишер Тағоев

Беҳтарин довар оид ба футбол дар соли 2022- Қурбонмурод Шарифов

Беҳтарин васоити ахбори омма дар самти варзиш дар соли 2022- “ТВ Варзиш”

Беҳтарин васоити ахбори омма дар самти варзиш дар соли 2022- “ТВ Душанбе» дониста шуданд.

Ҳамоиш бо барномаи ҷолиби фарҳангӣ ба анҷом расид.

АКС: шуъбаи иттилотии дастгоҳи Раиси шаҳри Душанбе

Февраль 4, 2023 10:36

Хабарҳои дигари ин бахш

Дар боғҳои фарҳангӣ-фароғатии пойтахти Тоҷикистон-шаҳри Душанбе таҷлили бошукуҳи Наврўзи ҷаҳонӣ идома дорад
«НАВРӮЗИ ДУШАНБЕ-2023». Таҳти ин унвон дар пойтахт Фестивали байналмилалӣ баргузор шуд
Дар Душанбе Мусобиқаи кушоди варзишӣ оид ба волейболи касбӣ ва ғайрикасбӣ байни занон ҷамъбаст гардид
Ғолибони Мусобиқаи футболи хурд барои дарёфти «Ҷоми Раиси шаҳри Душанбе» муайян гардиданд
Раиси шаҳри Душанбе Рустами Эмомалӣ бо Сарвари мақомоти иҷроияи шаҳри Боку Элдар Азизов мулоқот намуданд
Имрӯз Мусобиқаи 4-уми байналмилалӣ оид ба гӯштини миллӣ барои дарёфти «Ҷоми Раиси шаҳри Душанбе» баргузор мегардад
«JAC-МОТОРС». Дар шаҳри Душанбе намояндагии ин ширкати истеҳсоли автомобил ифтитоҳ ёфт
Иҷлосияи сенздаҳуми Маҷлиси вакилони халқи шаҳри Душанбе, даъвати шашум баргузор гардид
«КАДБОНУИ БЕҲТАРИН». Дар Душанбе даври шаҳрии озмун ҷамъбаст гардид
ТАВАҶҶУҲ! Аз пул-гузаргоҳи кӯчаи Асадулло Ғуломов то кӯчаи Шамсӣ ҳаракати ҳама гуна воситаи нақлиёт муваққатан қатъ карда мешавад
«ҶАВОНОН – ПАЙРАВОНИ ПЕШВОИ МИЛЛАТ ВА МЕРОСДОРИ АНЪАНАҲОИ НАВРӮЗӢ». Фестивали дӯстии ҷавонони шаҳри Душанбе оғоз ёфт
«САЙРИ ГУЛИ ЛОЛА». Бо мақсади дар сатҳи баланд гузаронидани ин Фестивал дар Душанбе қариб 6 миллион бех лола шинонида шуд