Дар Донишгоҳи байналмилалии сайёҳӣ ва соҳибкории Тоҷикистон нуҳ ихтисоси нав ҷорӣ карда шуд
ДУШАНБЕ, 11.02.2023 /АМИТ «Ховар»/. Дар доираи татбиқи ҳадафи чоруми миллӣ- саноатикунонии босуръати мамлакат ва татбиқи муқаррароти «Стратегияи рушди зеҳни сунъӣ дар Ҷумҳурии Тоҷикистон то соли 2040» дар Донишгоҳи байналмилалии сайёҳӣ ва соҳибкории Тоҷикистон нуҳ ихтисоси нав ташкил карда шуд, хабар доданд зимни нишасти матбуотӣ дар ин донишгоҳ.
«Полиси сайёҳӣ», «Тибби сайёҳӣ», «Сайёҳии осоишгоҳӣ-табобатӣ», «Иқтисодиёти рақамӣ», «Зеҳнӣ сунъӣ», «Кибернетикаи иқтисодӣ», «Хадамоти консулӣ», «Муносибатҳои байналмилалӣ» ва «Сиёсати берунӣ ва дипломатия» аз ихтисосҳои наве мебошанд, ки дар соли таҳсили 2022-2023 дар донишгоҳ барои пешбурди фаъолияти таълимӣ ба роҳ монда мешаванд.
Иттилоъ дода шуд, ки дар ин давра ҷамъи ихтисосҳои амалкунанда дар донишгоҳ бо назардошти талаботи рӯзафзуни бозори меҳнат ба 77 адад расонида шуд. Соли сипаригардида омӯзгорони донишгоҳ пайваста дар машғулияти омӯзишӣ, ки аз ҷониби «Маркази зеҳни сунъӣ»-и Вазорати саноат ва технологияҳои нави ҷумҳурӣ ва коршиносон аз Ҷумҳурии Корея ташкил карда шуд, фаъолона иштирок намуданд.
Ҳамзамон 28 нафар омӯзгори донишгоҳ барои гузаштан аз даврҳои такмили ихтисос ва иштирок дар чорабиниҳои илмӣ, аз ҷумла дар Форуми байналмилалии «Марҳилаи нави ҳамкории кишварҳои Созмони ҳамкории Шанхай: сайёҳӣ ва мероси фарҳангӣ», Форуми ректорони донишгоҳҳои Осиёи Марказӣ, Форуми 12-уми иқтисодии ҷавонони Авруосиё, Форуми байналмилалии Тоҷикистону Арабистони Саудӣ, ки дар шаҳрҳои Деҳлӣ, Панҷоб, Мумбай (Ҳиндустон), Куала-Лумпур (Малайзия), Тифлис (Гурҷистон), Москва, Қазон, Екатерингбург (Русия), Алмаато (Қазоқистон) ва Тошканду Самарқанд (Узбекистон) доир гардиданд, иштирок намуданд.
Дар ин давра дар доираи ҳамкорӣ бо муассисаҳои олии касбии давлатҳои хориҷӣ 18 нафар олимону профессорони донишгоҳҳои байналмилалии мамлакатҳои хориҷӣ аз Донишгоҳи байналмилалии сайёҳӣ ва соҳибкории Тоҷикистон боздид намуда, бо шароит ва раванди таҳсилу таълим дар ин муассисаи олии мамлакат шинос шуданд.
Марзия САИДЗОДА,
АМИТ «Ховар»
АКС: АМИТ «Ховар»
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
Дар Душанбе форум ва намоишгоҳи байналмилалии сайёҳӣ доир мегардад
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Кумитаи рушди сайёҳӣ барои рушди соҳа ва тарғиби имконоти сайёҳии Тоҷикистон озмун эълон намуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
САЙЁҲИИ РАҚАМӢ. Дар Душанбе лоиҳаи замимаи мобилии «Ватан» муаррифӣ гардид
