ДАСТОВАРДИ ВАРЗИШӢ. Ба туфайли он 548 маротиба Парчами давлатӣ барафрохта шуда, 150 бор Суруди миллии Тоҷикистон садо додааст
ДУШАНБЕ, 10.02.2023. /АМИТ «Ховар»/. Соли 2022 варзишгарони тоҷик ба хазинаи варзишии ҷумҳурӣ 548 медал, аз ҷумла 150 медали тилло, 162 нуқра ва 236 медали биринҷӣ ворид намуданд. Маҳз ба туфайли дастовардҳои варзишгаронамон 548 маротиба Парчами давлатии Тоҷикистон баланд бардошта шуда, 150 маротиба дар сатҳи байналмилалӣ Суруди миллии Тоҷикистон садо додааст. Дар ин хусус Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода имрӯз зимни нишасти матбуотӣ ба хабарнигорон иттилоъ дод.
Гуфта шуд, ки натиҷаҳои бадастовардаи варзишгарон нисбат ба соли 2021 беҳтар буда, 150 медал зиёд аст. Аз ҷумла, нисбат ба соли гузашта 47 медали тилло, 41 адад нуқра ва 62 медали биринҷӣ зиёд мебошад.
Имконоти фароҳамшудаи инфрасохторӣ ва коммуникатсионӣ имкон доданд, ки дар доираи Тақвими чорабиниҳои байналмилалии тарбияи ҷисмонӣ ва варзиш мамлакати мо соли 2022 мизбони 30 чемпионат ва мусобиқаҳои сатҳи баланди байналмилалӣ гардад. Дар ин мусобиқаҳо беш аз 3500 нафар варзишгарони хориҷӣ иштирок намуданд.
Аз ҷумла, Чемпионати Осиё оид ба велосипедронӣ, Чемпионати Осиё оид ба санъати муҳорибаҳои омехта, Мусобиқаи байналмилалӣ оид ба бокс барои дарёфти «Ҷоми Президенти Ҷумҳурии Тоҷикистон», Мусобиқаи 9-уми байналмилалӣ оид ба ҷудо барои дарёфти «Ҷоми Президенти Ҷумҳурии Тоҷикистон», Мусобиқаи байналмилалӣ оид ба гӯштингирӣ барои дарёфти «Ҷоми Президенти Ҷумҳурии Тоҷикистон», Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон, Мусобиқаи байналмилалӣ оид ба теннис барои дарёфти «Ҷоми Душанбе-2022», Мусобиқаи байналмилалӣ оид ба теннис барои дарёфти «Ҷоми кушоди Душанбе-2022» ва ғайра аз ин ҷумлаанд.
Зарангези ЛАТИФ,
АМИТ «Ховар»
АКС: АМИТ «Ховар»
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
