Наҷотдиҳандагони Кумитаи ҳолатҳои фавқулода ва мудофиаи граждании Тоҷикистон дар Туркия боз як нафарро наҷот доданд
ДУШАНБЕ, 13.02.2023. /АМИТ «Ховар»/. Як ҳафта пас аз заминларзаи шадид дар Туркия ба наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон муяссар шуд, ки бори дувум аз зери харобаҳои як бинои бисёрошёнаи харобшуда одамони зиндаро пайдо ва берун оранд. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ хабар медиҳад.
Ба наҷотдиҳандагони Кумита 12 феврал пас аз соатҳои тӯлонии корҳои ҷустуҷӯӣ ва наҷотдиҳӣ дар мавзеи Оникисуботи шаҳри Қаҳрамонмараш бо истифода аз таҷҳизоти махсус муяссар гардид, ки кӯдаки сесоларо бо номи Явуз пайдо ва наҷот диҳанд.
Ба иттилои манбаъ вай, 158 соат дар зери харобаҳо будааст. Наҷотдиҳандагон ба хотири натарсонидани кӯдак таҷҳизотро хомӯш карда, ба сӯи ӯ хазида рафтанд. Одамони назди харобазор кӯдакро бо хурсандӣ пешвоз гирифта, дар зери чапакзании пурмавҷ ӯро ба мошини ёрии таъҷилӣ гусел карданд.
Мутаассифона, дар ҷараёни корҳои наҷотбахшӣ наҷотдиҳандагони Кумита ҷасади 78 нафар ҳалокшудагонро берун оварданд. Корҳои наҷотдиҳӣ идома доранд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
НИШАСТИ МАТБУОТӢ. Қариб 23 ҳазор дона тухми паранда ҳамчун маҳсулоти бесифат ва хавфнок нобуд карда шуд
Дар Хадамоти назорати давлатии бехатарии корҳо дар саноат ва соҳаи кӯҳкорӣ Феҳристи ягонаи электронии субъектҳо таҳия карда мешавад
Ҳайати Тоҷикистон дар амалиёти зерминтақавии зиддимухадиротии СААД дар вилояти Калинингради Русия иштирок намуд
Дар шоҳроҳи Душанбе — Кӯлоб — Хоруғ бар асари садамаи нақлиётӣ 11 нафар ба ҳалокат расид
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
ЧАРО ҲОЛАТҲОИ ҒАРҚШАВӢ КАМ НАМЕШАВАНД? Мутахассисон риояи қоидаҳои бехатариро омили асосии пешгирии ҳодисаҳои нохуш медонанд
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
