Наҷотдиҳандагони Тоҷикистон дар вилояти Қаҳрамонмараши Туркия ба корҳои наҷотдиҳӣ шурӯъ карданд
ДУШАНБЕ, 10.02.2023 /АМИТ«Ховар»/. Субҳи барвақти 10 феврал наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Қаҳрамонмараши Туркия ба корҳои ҷустуҷӯӣ ва наҷотдиҳии зарардидагони заминларзаи шадид оғоз намуданд. Дар ин хусус АМИТ «Ховар» бо истинод ба Кумитаи мазкур хабар медиҳад.
«Дар айни ҳол 40 нафар наҷотдиҳандагон ба таҳқиқ ва бартарафсозии харобаҳои биноҳои истиқоматӣ ва дигар иншоот машғул мебошанд. Наҷотдиҳандагони тоҷик барои анҷом додани рисолати касбии худ бо масъулияти баланд дар иҷрои кор мебошанд, зеро дар шароити чунин фалокати табии барои наҷот додан ва кумак расондан ба зарардидагон ҳар лаҳза нақши бузург мегузорад. Онҳо барои корҳои ҷустуҷӯӣ ва наҷотдиҳӣ дар зери харобаҳо аз воситаҳои махсуси техникӣ истифода мебаранд»,-хабар медиҳад манбаъ.
Ҳамзамон гурӯҳи дигари наҷотдиҳандагони Кумитаи ҳолатҳои фавқулода ва мудофиаи гражданӣ дар шаҳри Ғозиёнтеппа, воқеъ дар ҷануби ин мамлакат ба кор шурӯъ кардаанд.
Бояд гуфт, ки Ғозиёнтеппа беш аз ду миллион аҳолӣ дошта, шашумин шаҳри калонтарини Туркия ба ҳисоб меравад. Дар ин шаҳр оқибатҳои фоҷеабори зилзилаи шадид ниҳоят зиёд мебошад . Наҷотдиҳандагони Кумита баробари расидан ба шаҳр фавран ба кор оғоз карданд. Қарор аст дастаи наҷотдиҳандагон дар ин ҷо фаъолияти шабонарӯзӣ ба роҳ монда, дар ҷустуҷӯю наҷоти одамон дар вайронаҳову бартараф намудани пайомадҳои ин офати мудҳиш саҳм гузоранд.
Ногуфта намонад, ки дар таърихи Тоҷикистони соҳибистиқлол ин аввалин бор аст, ки наҷотдиҳандагони Кумитаи ҳолатҳои фавқулода ва мудофиаи гражданӣ дар гузаронидани амалиёти наҷотдиҳӣ дар хориҷи мамлакат иштирок мекунанд.
Ёдовар мешавем, ки гурӯҳи наҷотдиҳандагон аз 50 нафар иборат буда, бо дастури Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои расонидани кумаки амалӣ ба мардуми офатзадаи Туркия фиристода шуданд.
Ҳамзамон аз ҷониби Президенти Тоҷикистон муҳтарам Эмомалӣ Раҳмон ба зарардидагони зилзилаи шадид дар Ҷумҳурии Туркия кумаки башардӯстона фиристода шуд.
София ШОИК,
АМИТ «Ховар»
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Дар Душанбе ҷаласаи мақомоти ҳифзи ҳуқуқ доир шуд
Президенти Тоҷикистон: «Ҳифзи сулҳи пойдор вазифаи муқаддаси ҳар фарди ҷомеа мебошад»
Дар Суғд ҷаласаи Шурои ҳамоҳангсози фаъолияти мақомоти ҳифзи ҳуқуқ доир шуд
Нақшаи даъвати баҳории шаҳрвандон ба сафи Артиши миллӣ 100 фоиз иҷро гардид
Ба сокинони шаҳри Роғун риояи талаботи қонунгузорӣ дар самти истифодаи самараноки неруи барқ фаҳмонида мешавад
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
