Намояндагони Академияи идоракунии давлатӣ дар ноҳияи Дарвоз бо сокинон мулоқот оростанд
ДУШАНБЕ, 18.02.2023 /АМИТ «Ховар»/. Аз ҷониби Академияи идоракунии давлатии назди Президенти Ҷумҳурии Тоҷикистон вобаста ба тақвияти ватандӯстии шаҳрвандон, боло бурдани ҳисси худогоҳию худшиносӣ, арҷ гузоштан ба арзишҳои миллӣ, пешгирии зуҳуротҳои номатлуби терроризм, экстремизм ва радикализм гурӯҳи корӣ таъсис дода шуд, ки бо сокинони шаҳру ноҳияҳои мамлакат суҳбату вохўриҳо доир менамоянд. Аз ҷумла, гурўҳи мазкур айни замон бо кормандони соҳаи маориф, тандурустӣ ва фаъолони шаҳру ноҳияҳои Вилояти Мухтори Кӯҳистони Бадахшон вохўрӣ мекунад. Дар ин хусус ба АМИТ «Ховар» дар Академияи идоракунии давлатӣ хабар доданд.
16 феврал гурӯҳи кории таблиғотии мазкур бо фаъолони ноҳияи Дарвоз вохӯрӣ намуд. Иброз гардид, ки мақсад аз ин суҳбату мулоқотҳо бори дигар расонидани таъкидҳо, дастуру ҳидоятҳо ва дар амал татбиқ намудани роҳнамоиҳои Президенти Ҷумҳурии Тоҷикистон муҳтарам Эмомалӣ Раҳмон ба аҳолӣ ҷиҳати пешрафти ҷумҳурӣ мебошад.
Иброз гардид, ки дар Паёми навбатии Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон вобаста ба баланд бардоштани ҳисси худогоҳию худшиносии тамоми сокинони мамлакат махсус таъкид карда шуд, ки: «Мо бояд ватандӯсту ватанпараст бошем ва ҳаргиз фаромӯш насозем, ки эҳсоси гарми ватандӯстӣ ва ҳисси баланди миллӣ омили асоситарин ва роҳи муҳимтарини рушди давлат ва ҷомеа мебошад».
«Моро зарур аст, ки дар партави ин таъкидҳои Пешвои миллат ватандӯсту худшинос бошем ва барои рушди минбаъдаи давлатамон эҳсоси гарми ватандӯстӣ ва ҳисси баланди миллиро дар худ тақвият бахшем»,-таъкид намуданд аъзои гурўҳи корӣ.
Аз ҷониби Академияи идоракунии давлатии назди Президенти Ҷумҳурии Тоҷикистон ба Мақомоти иҷроияи ҳокимияти давлатии ноҳияи Дарвоз се ҷилд китоби «Мактаби давлатдории Эмомалӣ Раҳмон: масъалаҳои ташаккул ва рушд» тақдим карда шуд. Китоби мазкур хизматҳои шоёни Президенти Ҷумҳурии Тоҷикистон муҳтарам Эмомалӣ Раҳмонро ба хонанда ва наслҳои оянда мерасонад ва дар замири онҳо тафаккури давлатдорию давласозиро ташаккул медиҳад.
АКС: Академияи идоракунии давлатии назди Президенти Ҷумҳурии Тоҷикистон
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
