Раиси ҶСК «Барқи тоҷик»: «Азнавпайвастшавии Тоҷикистон ба низоми энергетикии Осиёи Марказӣ амалӣ карда мешавад»
ДУШАНБЕ, 13.02.2023. /АМИТ «Ховар»/. Азнавпайвастшавии Ҷумҳурии Тоҷикистон ба низоми энергетикии Осиёи Марказӣ амалӣ шуда истодааст. Гузаштан ба ин низом эътимоднокии кори энергетикии ин ё он давлатро беҳ хоҳад сохт. Чунин иброз дошт Раиси ҶСК «Барқи тоҷик» Маҳмадумар Асозода имрӯз зимни нишасти матбуотӣ ба доираи васеи рӯзноманигорон.
Ба гуфтаи мавсуф, дар айни замон низоми энергетикии Ҷумҳурии Тоҷикистон аз низоми ягонаи энергетикии Осиёи Марказӣ ҷудогона фаъолият дошта, баъзе аз минтақаҳои низоми энергетикии ин ё он ҷониб ба низоми энергетикии дигар пайваст шудаанд, ки ин минтақаи сарбаст мебошад.
«Дар айни замон аз ҷониби Вазорати энергетика ва захираҳои оби ҷумҳурӣ лоиҳа оид ба азнавпайвастшавӣ амалӣ шуда истодааст. Албатта, аз нав пайвастшавӣ ба низоми ягонаи энергетикии Осиёи Марказӣ аз манфиат холӣ нест. Зеро ба мо имконият медиҳад, ки дар фасли тобистон ҳарчӣ бештар содироти неруи барқро ба роҳ монда, амалӣ созем. Ва ин аз ҷониби дигар эътимоднокии истифодаи низоми энергетикиро таъмин менамояд»,-афзуд Маҳмадумар Асозода.
Иттилоъ дода шуд, ки дар соли сипаригардида ҳаҷми истеҳсоли неруи барқ дар Ҷумҳурии Тоҷикистон 16 млрд 293 млн кВт. соатро ташкил дод. Ин нисбат ба ҳамин давраи ҳисоботӣ дар ҳаҷми 367,7 млн кВт. соат зиёдтар аст.
Ёдовар мешавем, ки бо қарори Ҳукумати Ҷумҳурии Тоҷикистон аз 18 январи соли 2023 Ширкати Саҳомии Холдингии Кушодаи «Барқи тоҷик» ба Ҷамъияти Саҳомии Кушодаи «Барқи тоҷик» тағйири ном кард.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
