Ҳукумати Америка дар мубориза ба муқобили зӯроварӣ бо истифода аз силоҳи оташфишон дучори мушкилӣ аст

ДУШАНБЕ, 15.02.2023 /АМИТ «Ховар»/. Ҳукумати Америка дар мубориза ба муқобили зӯроварӣ бо истифода аз силоҳи оташфишон, ки ба ҳаёти муътадили ҷомеа таҳдид мекунад, дучори мушкилӣ аст . Дар ин хусус дар мақолае, ки рӯзи якшанбе дар сомонаи хабарии cleveland.com ба нашр расидааст, гуфта мешавад. Дар ин бора АМИТ «Ховар» бо истинод ба «Синхуа» хабар медиҳад.

«Марги ҳамарӯза аз тири силоҳи оташфишон ШМА-ро ба майдони қатл, ба давлате табдил додааст, ки зиндагӣ дар он беш аз дигар манотиқи мутамаддини сайёра хатарнок аст», — навиштаанд рӯзноманигорон.

Бо вуҷуди ин, мансабдорони интихобшуда, ки дар рӯҳияи тарс аз тири силоҳи оташфишон ва пайомадҳои он зиндагӣ мекунанд, таҳаммулпазириро нисбат ба қатли кӯдакон ва тирпарониҳои оммавӣ, ки қариб ҳамарӯза дар ҳаёт рух медиҳанд, бошуурона авло медонанд, менависанд муаллифон.

Намояндагони табақаи сиёсӣ шояд аз ин иттиҳом ба хашм оянд, аммо далелҳо дар ҷониби онҳо нестанд. Дар мақола гуфта мешавад, ки ислоҳи дуввум гирифта гаштани силоҳро иҷозат медиҳад, вале қабули қонунҳоро дар бораи силоҳ, ки онҳоро ақли солим тақозо менамояд, манъ намекунад.

«Корношоямии ҳазорон мансабдорони интихобшуда, асосан аъзои Конгресс, қонунгузорони сатҳи иёлот ва губернаторҳо дар бобати манъ намудани дастрасӣ ба силоҳи оташфишон, ки барои куштори оммавии шаҳрвандони Амрико истифода мешавад, нақзи узрнопазири савганд аст», — таъкид намудаанд рӯзноманигорон.

Мансур СУРУШ,
Ҷаҳонгир ГУЛМУРОДӢ,
АМИТ «Ховар»

АКС аз манбаъҳои боз