80 ҷавони синни даъватӣ дар Мактаби муттаҳидаи техникии шаҳри Турсунзода касби ронандагӣ меомӯзад
ТУРСУНЗОДА, 28.03.2023 /АМИТ «Ховар»/. Барои омода намудани ронандагони мутахассис дар сафи Қувваҳои мусаллаҳи Ҷумҳурии Тоҷикистон имрӯзҳо дар Мактаби муттаҳидаи техникии шаҳри Турсунзода аз ҳисоби Вазорати мудофиаи Ҷумҳурии Тоҷикистон 80 ҷавони синни даъватӣ касби ронандагии дараҷаи «С» ва «С-аккумуляторчӣ» хонда истодааст. Аз ин шумора 30 нафар аз шаҳри Турсунзода, 30 нафар аз шаҳри Ҳисор ва 20 нафар аз ноҳияи Шаҳринав мебошад, ки дар маъракаи даъвати баҳорӣ ба сафи Қувваҳои Мусаллаҳи ҷумҳурӣ шомил мегарданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мактаби муттаҳидаи техникии шаҳри Турсунзода иттилоъ доданд.
Дар Мақомоти иҷроияи ҳокимияти давлатии шаҳри Турсунзода гуфтанд, ки «имрӯзҳо аз ҷамоатҳои шаҳраку деҳот 100 ҷавони синни даъватӣ аз рӯйи касби мутахассис — ронандаи дараҷаи «С» дар Мактаби муттаҳидаи техникии шаҳр таҳсил ва дар иҷрои нақшаи даъвати баҳории шаҳри Турсунзода нақши асосӣ доранд».
Ҳамчунин мувофиқи иттилои масъулини шаҳрҳои Ваҳдату Ҳисор, тибқи нақшаи даъвати ҷавонон ба сафи Артиши миллӣ дар фасли баҳор аз ҳисоби Вазорати мудофиа ва мақомоти иҷроия дар шаҳри Ваҳдат 120 даъватшаванда ва дар шаҳри Ҳисор аз ҳисоби мақомоти иҷроия 85 ҷавони синни даъватӣ дар давраи омӯзишӣ ҳамчун мутахассис-ронандаи мошинҳои гаронвазн иштирок доранд. Онҳо ҳамчун мутахассис дар даъвати ҳарбии баҳорӣ ба таври ихтиёрӣ ба сафи Артиши миллӣ шомил мегарданд.
АКС: АМИТ «Ховар»
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
