Ба Тоҷикистон соли 2022 зиёда аз 10 миллион воя ваксина ворид карда шуд
ДУШАНБЕ, 11.03.2023 /АМИТ «Ховар»/. Барои пешгирии сирояти COVID-19 соли 2022 ба Ҷумҳурии Тоҷикистон 10 миллиону 12 ҳазору 360 воя ваксинаи Модерна, Файзер, Астра Зенека ва КоронаВак ворид карда шуд. Дар мамлакат то 15 феврали соли равон зиёда аз 5 миллион нафар (98,9%) бар зидди COVID-19 эм карда шуд, иттилоъ медиҳад АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии ҷумҳурӣ.
Тавре аз Маркази ҷумҳуриявии ташаккули тарзи ҳаёти солими Вазорати тандурустӣ ва ҳифзи иҷтимоии аҳолии ҷумҳурӣ хабар доданд, аз 18 феврали соли 2021 то ҳол дар Тоҷикистон ягон мавриди мубталошавӣ ба бемории COVID-19 ба қайд гирифта нашудааст.
Дар ҷумҳурӣ раванди ваксинатсияи иловагии (бустер) 3 ва 4 ҷараён дорад. Яъне, бори якуми ваксина гузаронидан бадан бо вирус «шинос» мегардад. Дар ҳолати такроран ваксина кардан дар организм якбора миқдори зиёди подтанҳо пайдо шуда, масуният пурқувват мешавад. Ин масуният то 6 моҳ қобилияти мубориза бурдан бо бемориро дорад. Пас аз 6 моҳ масуният паст мегардад ва дар ин ҳалат зарурати гузаронидани реваксинатсия ба миён меояд. Маҳз ваксинатсия масунияти одамро қавӣ намуда, ба ӯ кумак менамояд, ки бар зидди ҳар гуна вирус ва бемории сироятӣ мубориза барад.
«Дар ҳолати напазируфтан ё қабул накардани ваксина инсон ба оқибатҳои хатарнок дучор мегардад, ки мо ин ҳолатҳоро дар лаҳзаи паҳншавии беморӣ аз сар гузаронидем. Бадани шахсоне, ки эм карда нашудаанд, бар зидди беморӣ муқовимат карда наметавонад. Шумораи зиёди бемориҳо тавассути ваксина пешгирӣ карда мешаванд, аз ҷумла ваксинаи зидди бемории фалаҷ, сил, гепатитҳо ва дигар бемориҳои сироятӣ. Ваксинаи COVID-19 одамонро аз ҳолати вазнин гузаронидани ин беморӣ, шакли музмин ва ҳатто фавт эмин нигоҳ медорад», -афзуд манбаъ.
Гуфта шуд, ки тамоми ваксинаҳои ба ҷумҳурии мо воридшаванда таҳти назорати Ташкилоти умумиҷаҳонии тандурустӣ ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон қарор дорад.
АКС: АМИТ «Ховар»
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
